Андройид яман ғәрәзлик "җасуслуқ һәрикити" юмтали уйғурларни нишан қилғаникән

Мухбиримиз әркин
2020-06-15
Share

Тәтқиқатчилар "йәршари емпуса" намлиқ бир тор җасуслуқ гурупписиниң сахта тор бәтлири арқилиқ җасуслуқ юмтали йоллаватқанлиқи, бу юмталниң уйғурларни нишан қиливатқанлиқини агаһландурған. "хәтәр почтиси" намлиқ тор бетиниң хәвәр қилишичә, тәтқиқатчилар "җасуслуқ һәрикити" дәп аталған бир хил йеңи андройид җасуслуқ юмталини байқиған. Бу җасуслуқ юмтали сахта тор бәтлири арқилқи кишиләр көп киридиған тор бекәтлиригә йоллинип, шу йәрдин нишандики тор бәтлиригә киридикән. Хәвәрдә, тәтқиқатчиларниң мәзкур җасуслуқ юмтали уйғур шаһитлирини нишан қилған, дәп қараватқанлиқини билдүргән.

Бу юмтални "транд мичро" намлиқ тор бихәтәрлик тәшкилати байқиған. Униң йеқинда елан қилған бу һәқтики анализида қәйт қилинишичә, улар мәзкур җасуслуқ юмтали бу йил 4-айда байқалған болсиму, лекин униң аз дегәндә йеқинқи 3 йилдин бери мәвҗут икәнликини илгири сүргән. Хәвәрдә баян қилинишичә, "транд мичро" тор бихәтәрлик тәшкилатидики тәтқиқатчилар бу юмталниң "бир хил андроид җасуслуқ юмтали" икәнлики, у "тор һуҗумчисиниң бихәтәрлики тәдбирлири аҗиз тор әслиһәлиридики учурларни оғрилишиға имкан яритип беридиғанлиқи" ни билдүргән.

Хәвәрдә тәкитлинишичә, тәтқиқатчилар йәнә бу хил җасуслуқ юмталиниң түркийәдики хәвәр тори вә сиясий партийәләрниң тор бекәтлиригә орунлаштурулуп, шу йәрдин башқа тор бәтлиригә һуҗум қилғанлиқи, бу усулни тәйвәндики университет вә саһайәт шәркәтлириниң тор бәтлиридиму қолланғанлиқини билдүргән. Чәтәлдики уйғур тәшкилатлири вә паалийәтчилириниң тор бекити, шәхси елхәт изчил хитай тор бузарлириниң һуҗум нишани болуп кәлди. Улар илгири дуня уйғур қурултийиниң тор бекитини бир қанчә қетим паләч һалға чүшүрүп қойған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт