Байден һөкүмити хитайниң трамп һөкүмити әмәлдарлириға "имбарго" қойғанлиқини тәнқид қилди

Мухбиримиз әркин
2021-01-22
Share

Президент байден 20-январ вәзипигә олтура-олтурмайла униң ташқий сиясәт гурупписи хитайға болған қаттиқ позитсийәсини ипадиләшкә башлиған. Ройтерс агентлиқиниң хәвәр қилишичә, байден һөкүмити дөләт хәвпсизлик кеңишиниң баянатчиси емили һорне, байден вәзипигә олтурған күни баянат елан қилип, хитайниң трамп һөкүмитидики 28 нәпәр әмәлдариға "имбарго" қойғанлиқини әйиблигән. Хитай имбарго қойғанлиқини елан қилған трамп һөкүмити әмәлдарлириниң ичидә ташқий ишлар министири майк помпейому бар иди.

Майк помпейо шуниңдин бир күн аввал хитайниң уйғурларға "ирқий қирғинчилиқ" вә "инсанийәткә қарши җинайәт" садир қилғанлиқини елан қилған иди. Байден һөкүмитиниң ташқий ишлар министири блинкен, помпейониң бу қарарини қоллайдиғанлиқини билдүргән. Ройтерс агентлиқиниң билдүрүшичә, емили һорне хитайниң "вәзипә тапшурувелиш күни бундақ имбарго йүргүзүши, партийәләрни бөлүшкә урунуш оюнидәк қилидиғанлиқи" ни билдүрүп, "президент байден американиң бу риқабәттә хитайни йеңиши үчүн һәр икки партийә рәһбәрлири билән һәмкарлишишқа тиришиду," дегән.

Хитай ташқий ишлар министирлиқи трамп һөкүмитигә һуҗум қилиш билән бир вақитта, байден һөкүмитидин мунасивәтни әслигә кәлтүрүшни вә техиму яхшилашни тәләп қилған. Бирақ американиң йеңи ташқий ишлар министири блинкен 19-январ кеңәш палатасиниң гуваһлиқ йиғинида қилған сөзидә, трамп һөкүмитиниң хитай мәсилисидә һәқлиқ икәнлики, "шәк-шүбһисизки, хитайниң америкаға һәрқандақ дөләттин еғир хрис елип келиватқанлиқи" ни билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт