Uyghur élida kadir-emeldarlar intizamgha xilapliq qilish bahaniliri bilen jazalanmaqta

Muxbirimiz irade
2021.04.29
Share on WhatsApp
Share on WhatsApp

Xitayche “Tengritagh” torining xewiridin qarighanda, 2021-yilining birinchi peslidila Uyghur élidiki intizam tekshürüsh we nazaret qilish organliri 4556 ademni jazalighan.

Uningda éytishiliche, intizam tekshürüsh da'iriliri 11 ming 634 erz we doklat tapshuruwalghan, 6871 délo turghuzulghan, 4556 adem jazagha uchrighan. Bular ichide bashqarma we idare derijilik kadir 21 neper, nahiye we tarmaq derijilik kadir 124 neper, yéza-bazar derijilik kadir 658 neper, asasliq mes'ul kadir 419 neper, yéza-bazar we karxanilardiki xadimlardin 3334 neper bar iken.

Buningdin srt yene Uyghur rayonda 2021-yilining birinchi peslide wilayetlik intizam tekshürüsh we nazaret qilish apparatliri “Töt xil shekil” arqiliq 16226 ademni tenqidligen we terbiyeligen.

Yuqiriqi bu xewerde jazalan'ghan kadir-emeldarlarning millet terkibi éniq déyilmigen, biraq yéqindin buyan Uyghur élidiki taratqularda köplep élan qiliniwatqan “Merkezning 8 türlük rohigha xilapliq qilish” boyiche jazalinip isimliri ashkarilan'ghan emeldar-kadirlar heqqidiki xewerlerdin bu emeldarlarning tengdin tolisining Uyghur millitidin ikenlikini perez qilish mumkin iken.

Chet ellerdiki közetchiler xitay hökümiti hazir xelq'arada Uyghurlargha qaritiwatqan irqiy qirghinchiliqi tüpeylidin qattiq tenqid we bésimgha duch kelgenliktin, rayondiki weziyetni yenimu chingitip, kadir-emeldarlarning yürikini qisishni meqset qiliwatqanliqini mölcherlimekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.