ئىلدىكو بېللەر-خاننىڭ ئۇيغۇر تەتقىقاتىغا بېغىشلانغان يېڭى كىتابى-«كېلىشتۈرمە كىملىك» يېقىندا گېرمانىيەدە يورۇق كۆرگەن

مۇخبىرىمىز قۇتلان
2017-02-12
Share

ئۇيغۇر مەسىلىسىنىڭ خەلقئارالىشىشىغا ئەگىشىپ، چەتئەللەردە ئۇيغۇرلارنىڭ تارىخ، مەدەنىيەت، جەمئىيەت ۋە ئېتنوگرافىك ئەھۋاللىرىغا بېغىشلانغان ئىلمىي تەتقىقات نەتىجىلىرى كۈنسايىن كۆپەيمەكتە.

تەتقىقاتچى ئىلدىكو بېللەر-خاننىڭ يېقىندا گېرمانىيەدە يورۇق كۆرگەن يېڭى كىتابى-«كېلىشتۈرمە كىملىك» دەل شۇنىڭ جۈملىسىدىندۇر.

«ئۇيغۇر جەمئىيىتىدە 1990-يىللاردىكى ئىش، ئېتىقاد، جىنس ۋە ئەنەئەنىنىڭ يۆتكىلىشى» دەپ قوشۇمچە ماۋزۇ قويۇلغان بۇ زور ئىلمىي ئەمگەكتە ئۇيغۇر دىيارى بىلەن قازاقىستاندىكى ئۇيغۇر جامائىتىنىڭ 1990-يىللاردىكى ئىجتىمائىي مەدەنىيىتى ۋە ئەقىدە ئۆزگىرىشلىرى پاراللېل ھالەتتە يورۇتۇلغان.

10 بابتىن تەشكىل تاپقان بۇ ئىلمىي ئەمگەك گېرمانىيەنىڭ خاللې شەھىرىگە جايلاشقان ماكس-پلانك ئىجتىمائىي ئىنسانشۇناسلىق ئىنىستىتۇتى ياۋرو-ئاسىيا ئىنسانشۇناسلىقى تەتقىقاتىنىڭ 31-تومى سۈپىتىدە نەشىر قىلىنغان.

دوكتور ئىلدىكو بېللەر-خان كوپېنخاگېن ئۇنىۋېرسىتېتىنىڭ دوتسېنتى بولۇپ، 1990-يىللاردىن بۇيان ئۇنىڭ ئۇيغۇر تەتقىقاتىغا بېغىشلانغان بىرقانچە پارچە كىتابى بىلەن نەچچە ئونلىغان ئىلمىي ماقالىلىرى ئوقۇرمەنلەر بىلەن يۈز كۆرۈشكەن.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت