Әнглийә елан қилған «2013-йиллиқ кишилик һоқуқ доклати» хитайни нарази қилди

Мухбиримиз меһрибан
2014-04-15
Елхәт
Пикир
Share
Принт

Хитай баянатчиси хуа чүнйиң 15-апрел сәйшәнбә күни баянат берип, әнглийәниң «2013-йиллиқ кишилик һоқуқ доклати» да тилға елинған «хитай һөкүмити аз санлиқ милләтләрниң кишилик һоқуқиға һөрмәт қилиши, чәтәл ахбарат васитилириниң тибәткә киришигә рухсәт қилиши керәк» дегән тәшәббусларға наразилиқ билдүрди.

Хуа чүнйиң сөзидә «доклаттики бу баянлар җуңгониң сиясий түзүлмиси һәққидә җөйлигәнлик, җуңгониң кишилик һоқуқ әһвалини қопаллиқ билән қарилиғанлиқ» дегән ибариләрни қолланди. У баянатида йәнә«әнглийә тәрәпниң бу қилмиши икки дөләтниң юқири дәриҗилик рәһбәрлири оттурисида елип берилидиған кишилик һоқуқ сөһбитигә пайдисиз» дегән.

Мәлум болушичә, хитай билән әнглийә оттурисида елип берилмақчи болған 2014-йиллиқ кишилик һоқуқ сөһбити әсли 16-апрелға бекитилгән болуп, хитай тәрәп 14-апрел өз алдиға қарар елип, 16-апирилдики кишилик һоқуқ сөһбитини бикар қилғанлиқини билдүргән. Йеқинда чақирилған хитай кишилик һоқуқ хатириси һәққидики б д т йиғинида әнглийәниң ойниған роли хитайниң наразилиқини қозғиған иди.

Пикирләр (0)
Share
Толуқ бәт