Xelq'ara kishilik hoquq közitish teshkilati qatarliqlar birleshme bayanatida xitayning térror siyasitini eyiblidi

Xelq'ara kishilik hoquq közitish teshkilati qatarliqlar birleshme bayanatida xitayning térror siyasitini eyiblidi

30-Iyun küni xelq'ara kishilik hoquq közitish teshkilati, xelq'ara kishilik hoquq fédiratsiyesi, xelq'ara kishilik hoquq mulazimiti qatarliq teshkilatlar birleshme bayanat élan qilip, xitayning térror siyasitini tenqidlidi.

Bayanatta, xitayning térrorni bahane qilip keng kölemlik basturush siyasiti yürgüzüwatqanliqi tenqidlinip,“Hetta kishilerning normal diniy étiqad pa'aliyetliri we xitay kompartiyisining diniy siyasiti we milliy siyasitige tinch yol arqiliq naraziliqini ipadiligüchilermu térrorluq qalpiqi bilen tutqun qilinip basturuluwatidu” dégen bayanlar bérilgen.

Xitay hökümitining Uyghur, tibet qatarliq milletlerge qaratqan diniy we milliy basturush siyasiti xelq'araning diqqitini qozghawatqan bolup, xitayning ramzan mezgilide Uyghurlarning roza tutushi we normal diniy pa'aliyetlirini “Diniy radikalliq” dep cheklishi, Uyghurlarning hökümetning diniy cheklimilirige bolghan naraziliqini ipadilishi “Térrorluq heriket”dep qanliq basturushqa uchrishi qattiq tenqidke uchrimaqta.