Kuchada bir saqchi ponkiti hujumgha uchrirap, 10 adem étiwétilgenliki melum

Muxbirimiz jüme
2015-06-24
Share


Xitay we xongkong axbaratlirining körsitishiche, 22 - iyun qeshqerde weqe chiqip uzaq ötmey, aqsu kucha nahiyesining ucha bazirida bir saqchi ponkitining hujumgha uchrighanliqi, hujumda 10 adem étiwétilgenliki melum.

Xitaydin chiqidighan "Sina" torining xewer qilishiche, 24 - iyun hujumchilar ucha baziridiki bir saqchixanigha köydürgüch bomba bilen hujum qilghan. 10 Hujumchi neq meydanda étiwétilgen. Toqunushta saqchi tereptin ölgen - yaki yarilan'ghanlar bar yoqluqi namelum.

Xitay axbaratliri éliwétilgenlerning barliq hujumchilarni teshkil qilidighan yaki qalmaydighanliqi, eger bashqa hujumchilarmu bar bolsa ularning nöwettiki ehwali heqqide tepsiliy melumat bermigen.

Xongkongdin chiqidighan "Dongwang" torining xewer qilishiche, nöwette da'iriler kucha nahiyesi teweside jiddiy axturush we adem tutush herikiti élip bériwatqan bolup, hökümet da'iriliri weqege alaqidar uchur bilen teminligüchilerge in'am béridighanliqi heqqide uqturush chiqarghan.

Radi'omiz bu weqeni öz aldimizgha delillenmigen bolghachqa, hazirche hujumning sewebi we jeryani téxi ashkarilanmidi.

Radi'omiz xitay bölümining ziyaritini qobul qilghan ürümchidiki bir xitay kishi mezkur weqedin xewer tapqanliqini, emma tepsilatini bilmeydighanliqini éytti.

22 - Iyun qeshqerning taxtakörük mehellisi etrapida qatnash saqchilirigha hujum qilish weqesi yüz bérip 3 neper saqchini oz ichige alghan 18 adem ölgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet