Мәхпий һөҗҗәтләрдики лагер тутқунлирини "һәргиз қачуруп қоймаслиқ" буйруқи алаһидә диққәт тартти

Мухбиримиз шөһрәт һошур
2019-11-29
Share

Хитайниң уйғур районидики лагерларға алақидар иккинчи қетим, йәни 24-ноябир күни ашкариланған мәхпий һөҗҗәтләрдики лагирдикиләрни "һәргиз қачуруп қоймаслиқ" буйруқи хәлқара хәвәрләрниң көпинчисидә һалиқлиқ пакит сүпитидә тилға елинди.

"муһапизәтчи" гезитиниң бүгүнки тәһрират мақалисидиму өткән бир һәптиниң хитай үчүн хәйрлик бир һәптә болмиғанлиқи баян қилинип, ашкараиланған мәзкур мәхпий һөҗҗәтләрдә уйғур районида лагерда йетиватқан тутқунларни "һәргиз қачуруп қоймаслиқ" буйруқи берилгәнлики тәкитләнди. 

"телеграф" гезитиниң дүшәнбә күнидики хәвиридиму мәзкур мәхпий һөҗҗәтләрдики "дәрвазини мәһкәм тақаш, бинани мәһкәм тақаш, ятақ ишикини мәһкәм тақаш, каридор ишикини мәһкәм тақаш, ишикни ачқан һаман дәрһал тақаш" дегән җүмлиләр әйнән нәқил елинған.

Хитай даирилири лагерларни ақлап сөз қилғанда уни "ятақлиқ мәктәп" кә охшитип, аталмиш "оқучи" ларниң бу йәргә өз ихтияри билән келидиғанлиқи вә халиған вақтида өйигә қайтидиғанлиқини илгири сүрүп келиватқан иди. "көзитиш" жорнилиниң бүгүнки тәһрират мақалисида ашкариланған мәзкур мәхпий һөҗҗәтләрниң хитай тәрәпни тәшвиқат сепидә интайин осал әһвалға чүшүрүп қойғанлиқи илгири сүрлүгән. Биринчи қетим ашкариланған мәхпий һөҗҗәтләрдә йәркәнниң сабиқ секритари ваң йоңҗиниң лагердики 20 миң тутқундин 7миңни қоюп бәргәнлики үчүн җазаланғанлиқи алаһидә диққәт тартқан иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт