Хәлқаралиқ парламентлар бирләшмиси литва вә тәйвәнни қоллаш чақириқи елан қилди

Мухбиримиз әзиз
2021-09-14
Share

"хитай һәққидики хәлқара парламентлар бирләшмиси" 14-сентәбир күни чақириқ елан қилип дуня җамаитини литва вә тәйвәнни қоллашқа дәвәт қилди. Хәвәрдә ейтилишичә, литва һөкүмити уйғур қирғинчилиқи һәққидики қарарни алған һәмдә тәйвәнниң литвада баш вакаләтхана ечишиға рухсәт қилғандин кейин хитай һөкүмити литва вә тәйвәнгә еғир бесим ишләтмәктикән.

"асия хәлқара хәвәрлири" ториниң бу һәқтики хәвиридә ейтилишичә, мәзкур хәлқаралиқ парламентлар бирләшмисигә йүздин артуқ парламент әза болуп, йиллардин буян демократийә, кишилик һоқуқ вә сода мәсилилиридә һәққанийәтни яқлап келиватқаникән. Уларниң баянатида хитай һөкүмитиниң зораванлиқи әйибләнгән һәмдә һәрқайси парламентларни һәқ вә адаләтниң җари болуши үчүн литва билән тәйвәнни қоллашқа чақирған. Литва ташқи ишлар министири габрилус ләндсбергис бу һәқтә сөз қилип; "мән явропа иттипақидики башқа әза дөләтләрниму хитайни чәкләш сепигә қошулушқа чақиримән" дегән.

Мәлум болушичә, хитай һөкүмитиниң бу хилдики "дипломатийә дүшмәнлики" паалийәтлири йеқинқи мәзгилләрдә һәрқачан уларниң уйғур қирғинчилиқини давам қилиши билән бағлинип қалмақтикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт