Лю шавбониң чәтәлдики қоллиғучилири һәрхил шәкилдә тәзийә билдүрүшти

Мухбиримиз шөһрәт һошур
2017.07.19
Share on WhatsApp
Share on WhatsApp

Нобел саһиби лю шавбо вапат болғандин кейин, хитайниң тәқиб вә назарәтлири сәвәбидин, униң хитай чоң қуруқлуқидики қоллиғучилири авазини чиқиришқа мувәппәқ болалмиди, әмма униң чәтәллик қоллиғучилири һәр хил шәкилләрдә тәзийәлирини билдүрүшмәктә.

Таратқулардики хәвәрләрдин мәлум болушичә лю шавбониң җәсити көйдүрүлүп шәнбә күни далйән шәһириниң тинч окян қирғиқидики йолвас саһилида җәсәт күли деңизға чечилған. Лю шавбониң нюйорк вә сиднейдики бир қисим қоллиғучилири деңиз яқилириға берип рәсим көргәзмиси қилиш вә мәрсийә оқуш шәклидә тәзийә билдүрсә, йәнә көплигән қоллиғучилири иҗтимаий таратқуларда тәзийә билдүргән.

Пакистанлиқ нобел тинчлиқ мукапати саһиби малала йосупзадә бүгүн лю шавбо һәққидә бир баянат елан қилип, у кишиләрниң әркинликини чәклигән һәрқандақ бир һөкүмәтни әйибләйдиғанлиқини билдүргән вә кишиләрни лю шавбониң роһидин өгинип өз хәлқиниң әркинлики үчүн күрәш қилишқа дәвәт қилған.

Дуня уйғур қурултийи рәиси рабийә қадир ханимму лю шавбониң вапатиға қарита бир тәзийәнамә елан қилғандин башқа “лю шавбониң өлүмидин ойлиғанлирим” мавзулуқ бир тәсират мақалиси елан қилип хитай дөләт рәиси ши җинпиңниң өлүм алдидики бир өктичигиму мәрһәмәт қилмиғанлиқини ғәйрий инсанийлиқ дәп әйиблигән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.