Adem shéf: "Tramp hökümiti Uyghur mesiliside magnitiskiy qanunini ishqa sélishni oylishishi kérek"

Muxbirimiz erkin
2019-05-24
Élxet
Pikir
Share
Print

Amérika awam palata ezasi, awam palata istixbarat komitétining re'isi adam shéf "San-fransisko hadisiliri géziti" de maqale élan qilip, tramp hökümitining magnitiskiy qanunini ishqa sélip Uyghurlarning kishilik hoquqini depsende qilishta jawabkarliqi bar xitay emeldarlirigha jaza tedbirlirini yürgüzüshi kéreklikini bildürgen.

Maqalide, xitay nazaret sistémisining héchqandaq bir yerde shinjangdikidek körünerlik emesliki eskertilip, "Xitay hökümiti shinjangda keng kölemlik lagérlar tori qurup, bir milyondin artuq Uyghur we bashqa musulman az sanliqlarni qanuni resmiyetsiz yaki guman bilen tutup turmaqta. Da'iriler bu lagérlarning meqsiti 'térrorluqqa taqabil turush' désimu, lékin emeliyette tutqun din we étnik tewelikni asasida élip bérilmaqta" déyilgen.

Adem shéfning maqalisi 23‏-may küni amérika kéngesh palatasi tashqi ishlar komitéti birdek "Uyghur kishilik hoquq qanun layihesi" ni maqullighan küni élan qilin'ghan. Adem shéf "Amérika choqum nazaret téxnologiyesining yéyilish tehditige taqabil turushi kérek" serlewhilik maqaliside mundaq dégen: "16‏-May küni awam palata istixbarat komitéti digital istibdatliq we erkin dunya rehberliri hem amérikaning shinjang we yer shari miyasidiki bu xirisqa qandaq taqabil turushi heqqide guwahliq yighini ötküzdi. Tramp hökümiti yer shari magnitiskiy qanunini ishqa sélip, basturush siyasitide jawabkarliqi bar xitay emeldarlirining sayahet qilishini cheklishi we mal mülkini tonglitishi kérek. Amérika digital istibdatliqqa qarshi özining rehberlik rolini jari qildurup, buning awam xelqining kündilik hayatigha singip kirishi kérek. Buning eng yaxshi bashlinish nuqtisi shinjang bolup, amérika démokratik döletler bilen hemkarliship, bu kishilik hoquq depsendichilikige riqabet élan qilishi kérek".

Adam shéf "Uyghur kishilik hoquq qanun layihesi" ning amérika dölet mejlisi awam palatasida otturigha qoyulghan nusxisigha kapaletlik bergen démokratik awam palata ezalirining biri. Qanun layihesining awam palatasidiki nusxisini awam palata ezasi kristofir simis bilen tam sozé otturigha qoyghanidi.

Toluq bet