Уйғурлар “матәм күни” дәп елан қилған 1-өктәбир күнидә хитайға наразилиқ билдүрүш паалийәтлири өткүзүлидикән

Мухбиримиз ирадә
2016-09-29
Share

Дуня уйғур қурултийи 1-өктәбир күни хитайниң дөләт байрими йетип келиш алдида баянат елан қилип, бу күнниң уйғурларниң хитай компартийисиниң боюнтуруқи астиға киргәнликиниң 67 йил болғанлиқини ипадиләйдиған матәм күни икәнликини, шу сәвәбтин түрлүк наразилиқ паалийәтлириниң уюштурулидиғанлиқини билдүрди.

Дуня уйғур қурултийи баянатчиси дилшат ришит бүгүн радиомизға қилған сөзидә, хитай компартийисиниң 1949-йилидин уйғурларға еғир бесим сиясити йүргүзүп кәлгәнликини әскәртип, хитай һөкүмитини бу сиясәтлирини тохтитип, уйғурлар вә тибәтләр билән балдуррақ сөһбәткә олтурушқа чақирди.

Мәлум болушичә, дуня уйғур қурултийи қармиқида һәрқайси дөләтләрдә паалийәт қиливатқан уйғур тәшкилатлири “матәм күни” мунасивити билән шу дөләтләрдики хитай әлчиханилири алдида намайиш қилиш, ахбарат елан қилиш вә башқа хил паалийәтләр арқилиқ бу күнни хатириләйдикән вә бу арқилиқ уйғур мәсилисини йәнә бир қетим дуня җамаәтчиликиниң сәмигә салидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт