Америка уйғур кишилик һоқуқ программиси түрмидики җурналист мәһбубә абләш һәққидә баянат елан қилди


2015-08-26
Share


Америка уйғур кишилик һоқуқ программиси 25 - авғуст күни 2008 - йили дөләт мәхпийәтликигә даир учурларни йоллиған дегән җинайәт артилип қолға елинған журналист мәһбубә абләшниң тутқун қилинғанлиқиниң 7 йиллиқи мунасивити билән баянат елан қилип, хитай һөкүмитидин түрмидики мәһбубә абләш, ғәйрәт нияз, илһам тохти, мәмәтҗан абдулла, әкбәрҗан җамал, әкбәр имин қатарлиқ 17 нәпәр уйғур журналист, тор язғучилири қатарлиқ виҗдан мәһбуслирини қоюп беришни тәләп қилди.

Америка уйғур кишилик һоқуқ программисиниң директори алим сейитоф әпәнди бу һәқтә тохтилип: "игилишимизчә, хитайниң шинҗаң уйғур аптонум районлуқ радио истансисиниң мухбири мәһбубә абләш, 2008 - йили авғуст ейида йәни олимпик мәзгилидә сәзгүр учурларни йоллиған дегән җинайәтләр артилип тутқун қилинған. У, һазир үрүмчидики аяллар түрмисидә ( 2 - түрмидә) җаза муддитини өтәватқанлиқи мәлум. Чеграсиз мухбирлар тәшкилати, әркинлик сарийи қатарлиқ көплигән хәлқара кишилик һоқуқ тәшкилатлири хитайда тутқун қилинған журналистларни қоюп бериш һәққидики баянатлирида мәһбубә абләш қатарлиқ түрмидики уйғур җурналистлириниму қоюп беришни тәкитләп кәлмәктә, әмма хитай һөкүмити һәр хил баһаниларда уйғур журналистлирини вә тор язарлирини тутқун қилишни давамлаштурмақта", деди.

Чеграсиз мухбирлар тәшкилатиниң 2014 йилидики санлиқ мәлуматтин мәлум болушичә, хитайда дөләт мәхпийәтликини ашкарилиған, қутрақулуқ учурлирини тарқатқан, дөләтни парчилашқа, һөкүмәтни ағдурушқа урунған дигән җинайәтләр артилип хитай түрмилиригә қамалған журналистлар 44 нәпәр болуп, уларниң 17 нәпири уйғур икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт