Америка таможна идариси импорт ширкәтлиригә хәт йезип, “уйғур мәҗбурий әмгикини чәкләш қануни” ниң иҗра қилинидиғанлиқини уқтурған

Америка таможна вә чегра қоғдаш идариси CBP америкадики импорт ширкәтлиригә хәт йезип, “уйғур мәҗбурий әмгикиниң алдини елиш қануни” ниң бу йил 21-июндин башлап ‍иҗра қилинидиғанлиқи, уйғур елидә ишләпчиқирилған мәһсулатларниң мәҗбурий әмгәк мәһсулати әмәсликини испатлаш тәләп қилинидиғанлиқини елан қилған.

Америка таратқулириниң хәвәр қилишичә, таможна вә чегра қоғдаш идариси бу һәқтики уқтурушида мәзкур қанун рәсмий иҗра қилиништин бурун “импорт ширкәтлиригә хәт йезип бу қанунниң тәтбиқлиниш обйектидики бурун импорт қилинип кәлгән мәһсулатларға қарита импорт қилғучиларни тәминат зәнҗиридики мәҗбурий әмгәккә четишлиқ мәсилиләрни вақтида һәл қиливетишкә үндәйдикән”.

Америка президенти җов байден өткән йили 12-айда имзалиған мәзкур қанунда америка таможна вә чегра қоғдаш идариси комиссариниң “импорт қилғучиларниң қанундики конкрет тәләпләрни бәҗа кәлтүрүши, ениқ вә қайил қиларлиқ дәлилләр билән мал, мәһсулат, тавар яки әшяларниң мәҗбурий әмгәктә ишләпчиқирилмиғанлиқини қарар қилиши” тәләп қилинғаниди.

Мәлум болушичә, уқтурушта йәнә барлиқ ширкәтләрниң тәминат зәнҗиридә буйруқ билән ишлитиш, ишчи арийәткә елип ишлитиш, бала ишчиларни зорлуқ билән яки мәҗбурий ишлитишни ‍өз ичигә алған мәҗбурий әмгәктин хали болушиға капаләтлик қилиши ениқ оттуриға қоюлуп, буларниң америкаға импорт қилинған мәһсулатларни ишләпчиқиришта ишлитилишкә болмайдиғанлиқи тәкитләнгән. Уқтурушта көрситилишичә, буниңдин бурун, ширкәтләрниң тәминат зәнҗирини дәрһал вә актиплиқ билән көздин кәчүрүп чиқиши тәләп қилинидикән.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар