Uyghur rayonida élip bérilghan meschit chéqish weqesi nyuyork waqti gézitide xewer qilindi

Muxbirimiz shöhret hoshur
2016-12-21
Share

Uyghur rayonining qeshqer we xoten qatarliq jaylirida élip bérilghan meschit chéqish weqesi bügün nyuyork waqti gézitidimu élan qilindi.

Weqe türkiyede yashawatqan bir Uyghur muhajir teminligen yip uchigha asasen radi'omiz teripidin éniqlan'ghan we weqeni yerlik saqchi we xadimlar delilligen idi. Nyoyork waqti géziti mezkur xewiride, Uyghur rayonida minglighan meschitning jama'et bixeterlik nami astida chéqilidighanliqini eskertkendin kéyin, radiyomiz bu heqte bergen in'glizche xewerning ulinishini oqughuchilirigha teqdim qilghan.

Radiyomizning meschit chéqish weqesi heqqidiki in'glizche xewiride, qeshqerdiki bir namsiz oqutquchining bayanlirigha orun bérilgen. Mezkur oqutquchi bayanida meschit chéqish teshwiqatida qollinilghan elalashturush we jama'et bixeterliki dégen ibarilerning bir perdaz ikenlikini, buning peqet Uyghurlarning diniy étiqadi, siyasiy iradisi we turmush aditige qarita élip bérilghan ashkara bir hujum we éghir bir buzghunchiliq ikenlikini otturigha qoyghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet