Da'iriler xotenning lop nahiyesidiki yézilarda "Meschitke kirish kinishkisi" tarqatqan

Muxbirimiz qutlan
2015-06-29
Élxet
Pikir
Share
Print

Bu yilliq ramzan kirgendin buyan xitay da'irilirining Uyghur élida yürgüzüwatqan derijidin tashqiri diniy cheklimisi xelq'ara jem'iyetning küchlük diqqitini qozghimaqta.

Melum bolushiche, yéqinda xotenning lop nahiyesige qarashliq nawa yézisidiki gapa arish kenti öz tewesidiki ahalilerge "Meschitke kirish kinishkisi" tarqatqan.

Buning bilen yerlik musulmanlarning xalighanche öz tewesidiki meschitlerge kirip namaz oqushi qattiq cheklimige duch kelgen.

Igilinishiche, kent sékrétari, kent amanliq mudiri hemde kent saqchiliri her qétimliq namaz waqtida, bolupmu jüme namizi we ramzan mezgilidiki terawi namizi oqulidighan chaghlarda meschitning derwazisida közette turidiken. "Meschitke kirish kinishkisi" bolmighan yaki 18 yashtin töwen bolghanlarni meschitke kirishtin tosaydiken.

"Gapa arish kentlik islam dini jem'iyiti alaqe guruppisi" namida tarqitilghan mezkur kinishka ijtima'iy taratqulargha ashkara bolghandin kéyin Uyghur éli we xelq'arada küchlük inkas peyda qilghan. Uyghur aptonom rayoni teweside adette nahiye derijilik siyasiy kéngesh yaki diniy ishlar idarisi qarmiqida "Islam dini jem'iyiti" tesis qilinidu. Halbuki, nöwette yéza-kentlerge qeder atalmish "Islam dini jem'iyiti" qurulup, ularning öz aldigha "Meschitke kirish kinishkisi" tarqitishi rayonda musulmanlargha bolghan diniy bésim we nazaretning qaysi derijige yétip barghanliqini ashkara qilmaqta.

Toluq bet