17 Yilliq késilgen meshhur tibet mehbus muddettin bir yil burun qoyup bérilgen

1996-Yili bölgünchilik we dölet bixeterlikige xewp yetküzüsh jinayiti bilen eyiblinip 17 yilliq késilgen tibet Jigme Gyatso yéqinda yeni muddettin bir yil burun qoyup bérilgen.

Amérika birleshme agéntliqining xewer qilishiche, jigme giyotsa, türmidiki chéghidimu xitay saqchilirigha bash egmigen bolup, qara kamirida turup “Yashisun dalay lama” dep sho'ar towlighanliqi üchün jaza mudditi 3 yil uzartilghan. B d t insan heqliri aliy komissari nawiy pilay xitaydiki türmiler üstide tekshürüsh élip barghanda, xitay da'iriliri giyatsoni nawiy pilay bilen körüshüshke yol qoyghan.

U türmide özi uchrighan we közi körgen qiyin-qistaqlarni b d t xadimigha ikkilenmey pash qilghan. Uning bu melumatliridin kéyin, xelq'ara kechürüm teshkilati qatarliq teshkilatlar bayanat élan qilip xitay hökümitini qiyin-qistaqni emeldin qaldurushni we gyatso qatarliq mehbuslarni türmidin qoyup bérishni telep qilghan.

Türme ichidiki qarshiliqliri bilen xelq'ara jama'etke tonulghan bu mehbus, muddettin az dégende bir yil burun qoyup bérilip, yéqinda gensudiki yurtigha yolgha sélin'ghan.