Мишел бачелет б д т дин хошлашти

Мухбиримиз әзиз
2022.08.30
Share on WhatsApp
Share on WhatsApp

Бирләшкән дөләтләр тәшкилати (б д т) кишилик һоқуқ кеңишиниң алий комиссари мишел бачелет 30-авғустта вәзипә өтәш муддити ахирлишип хизмәттин айрилди. Дунядики һәр саһә кишилири көз тикип келиватқан уйғурлар һәққидики бесип қоюлған доклат давамлиқ һалда бесилип қалғанчә йеңи ғулғула қозғалди.

“фирансийә 24” агентлиқиниң бу һәқтики хәвиридә ейтилишичә, мишел бачелет 30-авғустта хизмәтдашлири билән хошлашқан һәмдә өткән төт йиллиқ алий комиссарлиқ хизмитини аяғлаштурған. У 2021-йилила уйғурлар һәққидики доклатниң тәйярлинип болғанлиқини ейтқан болсиму, хитайниң бесими түпәйлидин буни бесип қойғаниди. Кейинчә бу доклатниң елан қилиниш вақти һәққидә бирнәччә қетим сүрүк бекитилгән болсиму ахирқи һесабта бу доклат йәнила бесип қоюлған.

Әнглийә һөкүмитиниң б д т дики кишилик һоқуқ әлчиси рита френч (Rita French) шу күни язма баянат елан қилип мишел бачелетқа йоллиди. Баянатта у мишел бачелетниң өткән мәзгилдики хизмәттә қолға кәлтүргән иҗабий нәтиҗилирини, җүмлидин русийәниң украинаға таҗавуз қилишини әйиблигәнликини муәййәнләштүрди. Шуниңдәк униң уйғур дияри һәққидики доклатни хизмәттин айрилиш алдида болсиму елан қиливетиши лазимлиқини, чүнки бу доклатниң комитет үчүн бир мустәқил сада һесаблинидиғанлиқини алаһидә тәләп қилди. Дуня уйғур қурултийиниң рәиси долқун әйса бу мунасивәт билән мәхсус сөз қилип уйғурлар һәққидики доклатниң елан қилинмиғанлиқидин бәкму әпсусланғанлиқини, әмма буниңлиқ биләнла өзлириниң һәққаний күришини һәргизму тохтитип қоймайдиғанлиқини билдүрди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.