Уйғур елидики яш өсмүрләргә "милләтләр иттипақлишип бир аилә кишилиридәк болуш" тәшвиқати күчәйтилмәктә

Мухбиримиз ирадә
2016-12-22
Share

Уйғур аптоном район даирилири өсмүр балилар вә яшларға қаритилған "милләтләр иттипақлишип бир аилә кишилиридәк болуш" тәшвиқатини күчәйтмәктә.

Хәлқ торидин берилгән хәвәрдин қариғанда, уйғур аптоном район даирилири "милләтләр иттипақлишип бир аилә кишилиридәк болуш" паалийитини мәктәпләргә киргүзүш намидики бир һәрикәтни башлиған. Бу паалийәттә һәрқайси милләтләрдин тәшкилләнгән артислар "чақмақ тезлики" дәп аталған бир хил тәшвиқат усули арқилиқ йәни балиларниң тәнәппус арилиқлирида мәктәпләргә кирип, балиларға милләтләр иттипақлиқи тема қилинған бир мәйдан номур көрситидикән.

Хәвәрдә ейтилишичә, бу "чақмақ тезлики" дәп нам берилгән милләтләр иттипақлиқи тәшвиқат һәрикити бундин кейин мәктәпләргә киргүзүлүпла қалмай, идарә-орган, кархана, дохтурхана вә қисимлардиму кәң қанат яйдурулидикән.

Буниңдин сирт йәнә, аптоном районлуқ яшлар бирләшмиси вә аптоном районлуқ оқуғучилар бирләшмисиму 20-декабир күни йиғин чақирип, һәрқайси милләтләрдин тәшкилләнгән яшларға "бөлгүнчиликкә қарши туруп, муқимлиқни қоғдаш, милләтләр иттипақлиқини илгири сүрүш" һәққидә тәрбийә бәргән.

Чәтәлләрдики уйғур көзәткүчиләр болса бу хилдики пүтмәс-түгимәс тәшвиқат һәрикәтлириниң әксичә үнүм яритидиғанлиқини, уйғур елидики мәвҗут мәсилиләрни йилтизидин һәл қилмай туруп, қуруқ тәшвиқат арқилиқ милләтләр иттипақлиқи вә муқимлиқ яритишниң мумкин әмәсликини билдүрмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт