Мерал ақшәнәр ханим: "түркийәниң уйғурлар һәққидә гәп қилалмаслиқи хата сиясәтләрниң нәтиҗиси"

Мухбиримиз ирадә
2020-12-23
Share

Түркийәдики өктичи партийәләрдин болған "ийи" партийәсиниң рәһбири мерал ақшәнәр ақ партийә һөкүмитини хата ташқи сиясәт йүргүзүш билән әйиблигән. У түркийә һөкүмитиниң уйғур мәсилисидә ағзини ечип бир еғиз сөз қилалмаслиқини мана бу хата сиясәтләрниң нәтиҗиси, дәп көрсәткән.

Анадолу агентлиқиниң хәвәр қилишичә, мерал ақшәнәр ханим 22-декабир күни түркийә парламентида сөз қилғанда һөкүмәтни ташқи сиясәт билән шуғулланғанда әстайидил болушқа чақирған. У мундақ дегән: "қуруқ шоар товлаш арқилиқ дипломатийәдики тәһдитни йоқатқили болмайду. Дөләтни башқуруш дегән салмиқи еғир иш. . . Шәрқий түркистандики қериндашлиримизға (уйғурларға) зиянкәшлик қиливатқан хитайға бир еғизму сөз қилалмаслиқ мана бу иқтидарсизлиқниң нәтиҗиси."

Мерал ақшәнәр йәнә түркийә һөкүмитиниң ташқи сиясәт йүргүзүштә йирақни көрүп иш қилмайватқанлиқини билдүргән. У американиң йеқинда түркийә росийәниң S-400 башқурулидиған бомбидин мудапиәлиниш системисини сетивалғанлиқи үчүн җаза тәдбири елан қилғанлиқиниму әскәртип туруп, "буму түркийә һөкүмитиниң йирақни көрмигәнликиниң нәтиҗиси" дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт