Мисирда мурсиниң қоллиғучилири билән һөкүмәт күчлири арисидики тоқунуш күчәйди
Мисир даирилири мисир бихәтәрлик қошунлири билән сабиқ президент муһәммәд мурсиниң қоллиғучилири арисидики тоқунуш давамлашмақта. Шәнбә күнидин тартип, 78 адәм һаятидин айрилған, көп санда адәм яриланған.
Искәндәрийә шәһиридики намайишта оқ чиқирилған болуп, мусулман қериндашлар җәмийити мисир сақчи күчлирини тинч намайишчиларға оқ чиқириш билән әйиблигән. Бирақ, мисир һөкүмәт тәрәп сақчиларниң оқ чиқарғанлиқини инкар қилған. Б б с агентлиқиниң йезишичә, намайишчилар давамлиқ өз қаршилиқини ипадә қиливатқан болуп, мисир ички ишлар министири бихәтәрликни бузидиған һәр қандақ қилмишларға қарита қаттиқ җаваб беридиғанлиқини билдүргән.
Америка дөләт ишлири министири керри мисир вәзийити һәққидә тохтилип, зораванлиқни әйиблигән һәмдә һөкүмәтниң хәлқниң тинч йиғилиш вә әркин ипадә қилиш һоқуқини һөрмәт қилишини чақирған.
Б д т баш катипи бан кимон мисир вақитлиқ һөкүмитидин хәлқниң бихәтәрликини қоғдишини тәләп қилған.
Хитай ташқи ишлар министириму һәр иккила тәрәпниң зораванлиқини ташлап, қан төкүлүшниң алдини елишни, җуңго тәрәпниң сөһбәт арқилиқ мәсилини һәл қилиш тәрәпдари икәнликини билдүргән.
- Әлфидар илтәбир америка уйғур бирләшмисиниң йеңи нөвәтлик рәисликигә сайланди
- Қәшқәрдә лагерға адәм тутушта хизмәт көрсәткән сақчиниң қизиму 10 йиллиқ кесилгән
- Хитай бачелетниң зиярити һарписида чәт әлдики уйғурларға түрмидики аилә әзалириниң давасини қилмаслиқ тоғрисида бесим ишләткән
- “шинҗаң сақчи архиплири” ниң ашкарилиниши мунасивити билән мюнхенда хитайға қарши намайиш елип берилди
- Қазақистанлиқ уйғур йигити дуня мусабиқисидә 3-орунға еришти
