Даириләр хитайчә “сәйшин” ториниң тақиветилгәнликини ашкарилиған, “мисраним” вә “бозқир” дин хәвәр йоқ

Мухбиримиз шөһрәт һошур
2016-10-12
Share

Фирансийә ахбарат агентлиқиниң хәвәр қилишичә, хитайдики иҗтимаий ахбарат торлиридин, нисбәтән хәлқчиллиқи билән тонулған “сәйшин” тори тақиветилгән.

Мәлум болушичә мәзкур тор һазирға қәдәр хитай һөкүмитини тәнқид қилидиған мақалиләрни пат-пат елан қилип туруватқан, даириләр бу мақалиләрни удуллуқ өчүрүветип барған болсиму, торға мәхсус бир җаза қолланмиған. Өчүрүлгән мақалиләр йәнә башқа торларниң көчүрүп бесиши билән бир мәһәл тәсирини давамлаштуруп кәлгән.

Йеқинда 168 нәпәр адвокат мәзкур торда бир очуқ хәт елан қилған; очуқ хәттә даириләрниң адвокатларниң торда тәшкиллинишини чәкләш һәққидики бир һөҗҗитигә наразилиқ билдүрүлгән. Бу сәйшин ториниң тақилишиға сәвәб болған. Даириләр мухбирларниң бу һәқтики соалиға җавабән мәзкур торниң узундин бери тәшвиқат интизамиға хилаплиқ қилип кәлгәнликини вә начар мәзмундики язмилар билән җәмийәттә яман тәсир пәйда қилғанлиқини баян қилған.

Мәлум болушичә, даириләрниң тор тақиветиш җазаси уйғур районида ваз кәчмәй келиватқан муқимлиқ тәдбирлиридин бири. Райондики мәшһур торлардин мисраним вә бозқир тори тақиветилгинигә бирқанчә ай болған болсиму, даириләр бүгүнгә қәдәр бу һәқтә җәмийәт яки ахбаратқа һечқандақ мәлумат бәрмиди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт