Моңғул паалийәтчи хаданиң кимлик картиси илтимаси рәт қилинған

Мухбиримиз җүмә
2015-01-24
Share


Йеқинда 20 йиллиқ тутқундин қоюп берилгән моңғул паалийәтчи хаданиң кимлик картиси илтимаси рәт қилинған вә банка һесабати тоңлитилған.

Бу учурларни 23 - январ радиомиз зияритини қобул қилған хада вә униң ханими ашкарилиди.

Бу йил 60 яшқа киргән хада "дөләтни парчилаш" вә "җасуслуқ" җинайити билән буйрулған 15 йиллиқ җаза муддити тошқандин кейин, 4 йилдин көпрәк нәзәрбәндкә елинған вә өткән айда өйигә қайтурулған.

Лекин хаданиң билдүрүшичә, у һелиһәм әркин болалмиған.

У мундақ деди: улар мениң әркин йүрүш әркинликимни чәклиниватиду. Улар бу айда илтимас қилған кимлик картисини елишимға йәнә 2, 3 ай кетидиғанлиқини ейтишти.

Хада түрмә вә нәзәрбәнд һаятини аяғлаштурулғандин кейин, хитай сақчилириниң игидарчилиқидики бир бина өйгә орунлаштурулған. Даириләр әйни чағда хадани иқтисадий җәһәттин капаләткә игә қилиш үчүн шундақ қилғанлиқини ейтишқан.

Хаданиң аяли һазир кимлики йоқ адәмниң бир йәргә бериши мумкин әмәсликни ейтип: банка һесабатимиз тоңлитилғандин кейин хаданиң кимликини ишлитип йәнә бирни ачайли десәк,униң кимлики йоқ, деди.

У йәнә хаданиң йәнила бир мәһбус һаятини кәчүрүватқанлиқини ейтти.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт