Уйғур аспирант мутәллип имин тутуп кетилди

Радиойимизниң игилишичә, 15-январ хитай йәрлик сақчилири өткән йили өктәбирдин буян нәзәрбәнд астида туруватқан уйғур аспирант мутәллип иминни өз өйидин тутуп кәткән.

Мутәллип имин истанбул университети инсаншунаслиқ факултетиниң аспиранти болуп, у язлиқ тәтилни түгитип түркийәгә қайтиш сәпиридә тутуп кетилгән.

Мутәллип имин өткән йили 15-июл бейҗиң айродромидин елип кетилип, из-дерәксиз ғайиб болған. Кейин униң үрүмчидики бир меһманханиға 79 күн солап қоюлғанлиқи, паспорт вә кимликлири тартивелинип, шу йили 1-өктәбирдин башлап хотән лоптики өйигә нәзәрбәнд қилинғанлиқи мәлум болған.

Мутәллип имин нәзәрбәндтә туруватқан мәзгилдә, 79 күнлүк тутқунлуқ һаяти җәрянида учриған қейин-қистақлар, өзни сорақ қилған сақчиларниң кимлики қатарлиқларни ашкарилиған. У йәнә “дуня кишилик һоқуқ күни” баянат елан қилип, өзигә адаләт тәләп қилған иди.