Мутәллип имин өзигә қаритилған паракәндичилик тохтитилмиса әрз қилидиғанлиқини билдүрди

Истанбул университетиниң аспирант оқуғучиси мутәллип имин “уйғурбиз тори” да очуқ хәт елан қилип, сақчила өзигә паракәндичилик селишни тохтатмиса сотқа әрз қилидиғанлиқини агаһландурди.

Мутәллип имин бу йил 15-июл бейҗиң айродромида сақчилар тәрипидин мәҗбури елип кетилип, үрүмчидики мәлум бир меһманханида 72 күн нәзәрбәнд астида тутуп турулған.

У бу йил 1-өктәбир қоюп берилип хотәндики өйигә қайтурулған болсиму, лекин униң паспорт вә кимлики тартивелинған, өзи сақчиларниң изчил паракәндичиликигә учрап кәлгән. Ахирқи қетим 18‏-ноябир күни сақчилар уни лоп наһийисидики өйигә йәнә издәп келип паракәндичилик салған.

Мутәллип имин 21‏-ноябир “уйғурбиз тори” да елан қилған өчүр хетидә, өзиниң әрз қилишқа тәйярлиқ қилип қойғанлиқини билдүрүп, бирақ әрз қилиштин бурун җамаәт хәвпсизлик назаритидики алақидар кишиләргә йәнә бир қетим чақириқ қилған. Уларни тартивелинған барлиқ нәрсилирини қайтуруп бәрмисә, зийинини төләп бәрмисә, мәктәпкә қайтип беришиға йол қоймиса, мәһкимигә әрз қилип, қануни һоқуқини қоғдайдиғанлиқини билдүргән.