Начар һава райи сәвәблик уйғур райони ичидә қатнайдиған айропилан беләтлириниң баһаси чүшүрүлди

Мухбиримиз меһрибан
2015-12-31
Share

Хитайниң шинҗаң хәвәрләр тори 31-декабир күни, уйғур аптоном райони ичидә қатнайдиған айропилан беләтлириниң йеңи йил мәзгилидики баһаси чүшүрүлүп, кариватлиқ пойиз белитидинму төвән баһада сетиливатқанлиқини хәвәр қилди.

Хәвәрдә дейилишичә, үрүмчидин корлиға қатнайдиған айропилан белитиниң әң төвән чеки 100 сом, үрүмчидин ғулҗиға қатнайдиған айропилан белити 130 сом, үрүмчидин ақсуға қатнайдиған айропилан белити 190 сомға чүшүрүлгән.

Хәвәрдә йәнә уйғур аптоном райони ичидә қатнайдиған айропилан беләтлириниң 70% тин 90% кә қәдәр чүшүрүлгәнлики, беләт баһасиниң бу қәдәр чүшүшигә дөләт ичи айропилан қатнишидики риқабәт болупму, қиш пәслидики начар һава райи сәвәб болғанлиқи әскәртилгән.

29- Декабир елан қилинған хитай хәвәрлиридә, бу йил қиш пәслидә үрүмчидә туманлиқ күнләр көпәйгәнлики, 2015-йили 14-декабирдин 27-декабирғичә үрүмчидә уда 14 күн ис-түтәклик, туманлиқ һава райи һадисиси көрүлгәнлики, бәзи күнләрдә булғиниш дәриҗиси еғир болғанлиқи йезилған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт