Хитай һөкүмити NATO ни “биринчи номурлуқ дүшмән” дәп елан қилди

Мухбиримиз әзиз
2022.07.08
Share on WhatsApp
Share on WhatsApp

Хитай һөкүмити башқуришидики “хәлқ гезити” 5-июлда мәхсус обзор мақалиси елан қилип, “шималий атлантик әһди тәшкилати” (NATO) ни “биринчи номурлуқ хәлқ дүшмини” дәп җакарлиған.

Хитай алий һөкүмранлиқ қатлими көп қетим қолланған “җоң шең” тәхәллусида елан қилинған бу мақалидә “соғуқ урушниң кона муқамлирини асия-тинч окян районида тәкрарлашқа йол қоюшқа қәти болмайду” дейилгән. Әмма “хәлқ гезити” гә қаритилған йүксәк дәриҗидики контроллуқ вә назарәт түпәйлидин ғәрб дунясидики көплигән кишиләр бундақ бир мақалиниң уқушмаслиқ түпәйлидин елан қилинип қалмайдиғанлиқини, шуңа буниң хитай мәркизий һөкүмитидики мунасивәтлик каттивашларниң рухсити билән елан қилинған “алаһидә әсәр” икәнликини тәкитлигән.

“һәптилик хәвәрләр” гезитиниң 6-июлдики мақалисидә хитай һөкүмитиниң бу мәйданиға баһа берилип: “шүбһисизки, хитайниң бу мәйдани уларниң ғәрб дунясиға қарши мәвқәсиниң изчил давам қиливатқанлиқиниң әң йеңи дәлили,” дейилгән.

Мәлум болушичә, “шималий атлантик әһди тәшкилати” 29-июн елан қилинған әң йеңи истратегийәлик қолланмида тунҗи қетим хитайни өзлириниң “иқтисадий мәнпәәтлири, бихәтәрлики вә қиммәт қарашлири үчүн тәһдит” дәп қарар алған икән. Шу вақитта NATO ниң баш катипи җенс столтенберг әпәнди (Jens Stoltenberg) ениқ қиилип: “биз хитайни рәқип яки дүшмән дәп қаримаймиз. Әмма уларниң бизгә қарши пәйда қиливатқан тәһдитлиригә қарапму олтуралмаймиз” дегән икән. Әмдиликтә хитайниң буниңға қайтурған инкаси буниңдин нәччә һәссә ашқан һалда “биринчи номурлуқ дүшмән” дегән шәкилдә оттуриға чиққан.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.