Шиветсийәлик нахша чолпини зара ларсон уйғурларни қоллайдиғанлиқини елан қилди

Мухбиримиз әзиз
2020-08-05
Елхәт
Пикир
Share
Принт

Ғәрб дунясида өзиниң инглизчә нахшилири билән муәййән тәсир қозғаватқан шиветсийәлик нахшичи зара ларсон 4-авғуст күни өзиниң хуавей ширкити билән болған тохтамни бикар қиливәткәнликини җакарлап «хитай мән ойлиғандәк яхши мәмликәт әмәс икән» деди.

«яху хәвәрлири» ниң 4-авғусттики хәвиридә ейтилишичә, зара мухбирларниң зияритини қобул қилғанда «мән хитай һөкүмити һазир қиливатқан ишларни қобул қилалмидим. Шуңа мән уйғурлар вә хоңкоң мәсилисини қоллаймән» дегән. Шуниңдәк хуавей ширкити билән түзгән тохтамни әмәлийәттә бу йил апрелда бикар қиливәткәнликини билдүргән.

Хәвәрдә ейтилишичә, зара өткән йилила хуавей гуруһиниң явропадики җасуслуқ қилмиши һәққидә ‍учурларни тапшурувалған һәмдә бәзиләрниң «зара коммунистик һакимийәткә яр-йөләк болмақта» дегәндәк әйибләшлиригә учриған.

Мәлум болушичә, бу йил 23 яшқа киргән зараниң бир қисим нахшилири явропа вә америкада 20 нәччә милйон қетимдин артуқ көрүлгән. Униң йотубе қанилидики әгәшкүчилирила алтә милйонға йетидикән.

Пикирләр (0)
Share
Толуқ бәт