Бу йиллиқ нобел иқтисад мукапати 3 америкилиққа берилди

Мухбиримиз әркин
2013-10-14
Share

Бу йиллиқ нобел иқтисад мукапати евгени фама, ларис петер хәнсен вә роберт шеллер қатарлиқ 3 нәпәр америкилиққа берилди. Нобел комитетиниң билдүрүшичә, бу 3 кишигә "мал-мүлк баһасиниң тәҗрибичилик анализи" саһәсидики төһписи үчүн, бу йиллиқ нобел мукапати лайиқ көрүлгән.

Нобел комитети йәнә, уларниң елип барған тәтқиқати һазирқи мал-мүлк баһасини чүшинишниң асасини һазирлиғанлиқини билдүргән. Америка чикаго университетиниң профессори евгени фама, пай чекиниң һәқиқий баһасини қисқа вақит ичидә пәрәз қилишниң пәвқуладдә мүшкүллүкини оттуриға қоюп, бу җәһәттики бошлуқни толдурған. У, қисқа мәзгиллик пай чеки баһаси һәр вақит йеңи учурниң тез тәсиригә учрап турақсизлиқ пәйда болидиғанлиқини испатлиған.

Нобел комитети, фаманиң тәтқиқат нәтиҗиси кейинки тәтқиқатларға "чоңқур тәсир көрситип" базар аборти вә базар мөлчәрләшкә өзгириш елип кәлгәнликини билдүргән.

Чикаго университетиниң йәнә бир профессори ларис петер хәнсен, статистика илмий усули арқилиқ мал-мүлк баһасини өлчәш нәзәрийисини оттуриға қойған.

Йел университетиниң профессор роберт шеллер, пай чеки баһасидики чүшүш вә чиқиш өсүминиң чиқиш-чүшүшидин зор дәриҗидә һалқип кетидиғанлиқини оттуриға қойған. У, 1980‏-йилларда оттуриға қойған бу кәшпияти үчүн бу йиллиқ нобел мукапатиға лайиқ көрүлгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт