Хитай алий сотиниң муавин башлиқи парихорлуқ билән сотланди

Мухбиримиз меһрибан
2017-01-10
Share

Хитай һөкүмәт таратқулиридин җуңго хәвәрләр ториниң 10-январдики хәвиридин мәлум болушичә, 10-январ сәйшәнбә күни хитай алий сотиниң муавин башлиқи ши шавмиң тәнҗин 2-оттура сотида парихорлуқ билән әйиблинип, сотланди.

Мәлум болушичә, сотта тәнҗин шәһәрлик 2-тәптиш мәһкимиси ши шавмиңниң 1996-йилидин 2016-йилиғичә болған арилиқта хитай алий сотниң иқтисадий маҗиралар сот коллигийисиниң муавин сотчиси, хәлқ ишлири сот коллигийиси 2-сотиниң сотчиси, алий сот комитетиниң һәйәт әзаси вә алий сотниң муавин башлиқи вәзиписини өтәш җәрянида хизмәт қулайлиқидин пайдилинип пара алған пул соммиси 114 милйон хитай пулиға йәткән.

Хитай анализчилиридин обзорчи чен покуң әпәнди твитер торида мәзкур хәвәр һәққидә тохтилип: "хитай алий соти әмәлдариниң парихорлуқ билән әйиблиниши әҗәблинәрлик әмәс. Чүнки, һечқандақ бир өктичи партийиниң риқабити вә назарити болмиған компартийә һөкүмранлиқидики хитайда, әмәлдарларниң парихорлуқи һәммә адәмгә ашкара болған омумий әһвал. Шуңа җазалиниватқан әмәлдарлар әмәлийәттә парихорлуқ сәвәбидин әмәс, бәлки нөвәттә һакимийәт йүргүзүватқан ши җинпиң гуруһиниң күшәндиси болғини үчүнла җазаланмақта. Хитай рәиси ши җинпиңму бултур ечилған хитай компартийә йиғинида, парихорлуқ билән җазаланған әмәлдарларниң йәнә "сиясий суйиқәст пиланлиғанлиқ вә сиясий гуруһвазлиқ җинайи қилмишлириниң барлиқи" ни етирап қилған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт