Хитайниң башқа җайлирида пахта мәһсулати төвәнлиди, әмма уйғур елидә көпәйди

Уйғур аптоном райони нөвәттә хитайниң әң зор пахта базиси болуп, пүтүн хитай пахта мәһсулатиниң йеримидин коп қисими уйғур елидин елиниду. Бу, йил пүтүн хитайниң пахта мәһсулати өткән йилидикидин төвәнләп кәткән. Әмма, уйғур аптоном райониниң пахта мәһсулати өткән йилидикидин ашқан.

Шинхуаниң хәвиридә ейтилишичә, 2014 - йили. Пүтүн уйғур аптоном районида 3милйон 670 миң тонна пахта елинип, пүтүн мәмликәт пахта мәһсулатиниң 59.7%Ни игилигән. Әмма, пахта терийдиған өлкиләрниң омумий мәһсулати 2милйон 480миң тонна болуп, өткән йилидин 29.8 % Төвәнлигән.

Бу йил пүтүн хитай бойичә 616 милйон тоннидин артуқ пахта елинған болсиму, әмма өткән йилидики 138 миң тонна аз елинип, мәһсулат өткән йилидикидин 2.2% Төвәнлигән.

Хәвәрдин мәлум болушичә, пүтүн хитай бойичә пахта мәһсулатиниң төвәнләп кетишидә башқа өлкиләрдики пахта мәйданлири азлиған, нәтиҗидә мәһсулатму төвәнлигән.

Мәлум болушичә, 2010 - йилидин башлап, 19 өлкә вә биваситә қарашлиқ шәһәрләр уйғур елиниң һәр қайси районлириға кирип, мәбләғ селиш вә ечишни күчәйткәндин буян гуаңдоң қатарлиқ өлкиләр асаслиқи қәшқәр вилайити қатарлиқ җәнубий районларни пахта базисиға айландурушни күчәйткән иди. Тарим вадиси әтрапидин елинған пахтилар ичкири өлкиләрдики тоқумчилиқ фабрикилири ,ширкәтләр вә пахта содисиниң асаслиқ базисиға айланған.