Jang chünshyen Uyghurlargha "Bir perzentlik pilan tughut siyasiti" yürgüzidighanliqining bésharitini berdi

Muxbirimiz erkin
2014-08-06
Élxet
Pikir
Share
Print

Uyghur aptonom rayonluq partkom sékrétari jang chünshyen yéqinda xitayning "Emeliyet" namliq partiye zhurnilida maqale élan qilip, Uyghurlargha "Bir perzentlik pilanliq tughut siyasiti" yüzgüzülidighanliqining bésharitini bergen. U, Uyghur élining jenubida "Barliq milletlerge oxshash pilanliq tughut siyasiti yürgüzülüp, tughush nisbitini töwenlitidighanliqi we muqimlashturidighanliqi"ni tekitligen.

Jang chünshyen bu sözlerni béyjing hökümiti xitay puqralirigha yürgüzülgen bir perzentlik pilanliq tughut siyasitini islah qilip, xitaylarning ikki perzentlik bolushigha yol qoyushni oylishiwatqan mezgilde qilip diqqet qozghidi.
Uning üstige jang chünshyen bu pikirni xitay qoralliq küchliri 28‏-iyul yeken nahiyesining élishqu, xangdi yézilirida qattiq basturush élip barghan peytte otturigha qoyghan.

Xitay hökümiti bu yézilardiki qanliq weqeni "Térrorluq" dep élan qilip, 96 adem ölgenlikini ilgiri sürgen bolsimu, biraq d u q az dégende 2000 din artuq Uyghurning qirghin qilin'ghanliqini bildürdi.

Amérika blumbérg agéntliqining qeyt qilishiche, Uyghurlar Uyghur éli nopusining 45% ni, xenzular xitay omumi nopusining 92% ni teshkil qilsimu, biraq jang chünshyenning sözi sheher nopusidiki Uyghurlarning 2 perzentlik, yéza nopusidiki Uyghurlarning 3 perzentlik bolushigha yol qoyup kelgen xitay pilanliq tughut siyasitide özgirish bolidighanliqidin dérek béridu.

Toluq bet