Майк помпейониң әркин дуняни коммунистик хитайни өзгәртишкә чақириши хәлқарада күчлүк инкас қозғиди

Мухбиримиз әркин
2020-07-24
Елхәт
Пикир
Share
Принт

Америка ташқи ишлар министири майк помпейониң 23-июл американиң калифорнийә штатидики никсон кутупханисида нутуқ сөзләп, әркин дуняни коммунистик хитайни өзгәртишкә чақириши хәлқарада күчлүк инкас қозғиди.

Майк помпейо нутқида «әгәр әркин дуня коммунистик хитайни өзгәртмисә, коммунистик хитай дуняни өзгәртиду,» дәп тәкитлигән. У нутқида икки қетим уйғурларни тилға алған. «Вал стрет журнали» гезитиниң тәкитлишичә, помпейониң сөзи «трамп һөкүмитиниң хитайға қарита толуқ һәрикәткә өткәнликини чүшәндүридикән.»

Ройтерс агентлиқиниң хәвиридә майк помпейониң сөзи «америка-хитай мунасивити әң төвән чәккә чүшүп қалған, хитайға кимниң әң қаттиқ туридиғанлиқи 11-айдики сайламниң алдида президент трамп билән униң риқабәтчиси җо байден оттурисидики риқабәткә айланған мәзгилгә тоғра кәлгәнлики» тәкитләнгән. Америкадики «төпилик» (The Hillл) гезитиниң тәкитлишичә, помпейо сөзидә американиң хитай билән болған кәлгүси мунасивитини «әркин дуня билән зомигәрлик оттурисидики җәң» дәп йәкүнләп, хәлқара иттипақдашлирини бейҗиңниң характерини өзгәртиш һәққидә бесим ишлитишкә үндигән.

Әнглийә чиқидиған «телеграф» гезитиниң хәвиридә майк помпейониң әркин дуняни «франкиштайин (ғәрб әдәбиятидики адәмсиман мәқлуқ) хитайниң йеңи зомигәрлики үстидин ғалип келишкә чақирғанлиқи» ни билдүргән. Хоңкоңда чиқидиған «җәнубий хитай әтигәнлик почтиси» гезити 24-июл елан қилған бу һәқтики тәқризидә мутәхәссисләрниң сөзи нәқил кәлтүрүлүп, 1979-йили башланған америка-хитай мунасивәтлириниң ахирлишиш хәвпигә дуч кәлгәнлики тәкитләнгән.

Пикирләр (0)
Share
Толуқ бәт