Pop fransis Uyghurlar heqqide söz qilishqa chaqirildi

Muxbirimiz eziz
2020-10-20
Share

Katolik dini dunyasining meniwi dahisi pop fransis yéqinda xitay hökümitining diniy étiqad sahesidiki depsendichilik qilmishliri, jümlidin Uyghurlarni diniy étiqadi seweblik lagbrlargha qamash mesilisi heqqide xitaygha bésim ishlitishke chaqirildi.

"Blomérg xewerliri" gézitining 20-öktebirdiki xewiride éytilishiche, amérika awam palatasining tod yang qatarliq bir qisim ezaliri popqa birleshme mektup yollap, xitay hökümitining nöwettiki diniy étiqadni basturush qilmishlirini eyibleshke dewet qilghan. Birleshme mektupta "Biz pop hezretlirini dunyadiki eng chong étiqad mu'essesesining dahisi süpitide Uyghurlarning eng eqelli kishilik heqlirini qoghdashqa hesse qoshushqa chaqirimiz" déyilidu.

Melum bolushiche, bu mektupning yollinishi xitaydiki katolik épiskopini yéngidin teyinlesh munasiwiti bilen pop fransis we xitay hökümiti jiddiy söhbette boluwatqan waqitqa toghra kelgen. Téxi buningdin bir ay ilgiri amérika tashqi ishlar ministiri mayk pompéyo bu heqte söz qilip "Watikandiki ulugh pop hezretliri xitaydiki diniy étiqad mesiliside öz mes'uliyitini untup qalmasliqi lazim" dégenidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet