Поп кристофер вайт канада бирләшмә черкавини уйғурлар учриған "ирқий қирғинчилиқ" қа сүкүт қилмаслиққа чиқирған

Канаданиң онтарио өлкисидики "кедрон бирләшмә черкави" ниң попи кристофер вайт канаданиң "бродвию" торида мақалә елан қилип, канададики хиристиян дини җамаити-бирләшмә черкавини уйғурлар учриған "ирқий қирғинчилиқ" қа сүкүт қилмаслиққа чақирған. Кристофер вайт канада бирләшмә черкавиниң җәнуби африқадики ирқий айримичилиққа қарши туруш, пәләстин вә корийә мәсилилиридики паалийити билән тонушлиқ болсиму, бирақ униң уйғурларға аваз чиқармиғанлиқини тәнқид қилған.

Поп кристофер вайтниң "уйғурлар хитайниң ғәрбий-шималида етник тазилашқа учраватиду, биз немишқа көп иш қилип берәлмәймиз" мавзулиқ мақалисидә, канада парламентиниң хитайниң уйғурларға "ирқий қирғинчилиқ" қилғанлиқини етирап қилғанлиқи, бирақ мәйли б д т болсун яки нурғун хәлқара диний тәшкилатлар болсун, буни "ирқий қирғинчилиқ" дәп атимиғанлиқини әйиблигән.

У "канада имамлар кеңиши", "бинай берс" қа охшаш башқа диний гуруппилар бу мәсилидә җәсурлиқ көрсәткән болсиму, бирақ канада бирләшмә черкавиниң әгәр улар сөзлисә, уларниң хитай вә хоңкоңдики диний муртлириға йошурун хәвп йетиду, дәп әндишә қилидиғанлилқни билдүргән.

Кристофер вайтниң ейтишичә, уйғурларниң чақириқиға қулақ селиш вә униңға ‍инкас билдүрүш "ноқул ‍ирқий қирғинчилиқ мәсилиси әмәс, бәлки йәр шаридики ‍җтимаий топларниң келәчики, қанун билән башқуруш, сөз әркинлики вә диний әркинликкә мунасивәтлик," ‍икән.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар