Уйғурлар мәсилиси америка президент сайлимида риқабәтчиләр диққәт қилидиған мәсилигә айланди

Мухбиримиз җәвлан
2020-09-02
Share

"һиндистан вақти" ториниң 2-сентәбир бәргән хәвиридә ейтилишичә, уйғурлар мәсилиси америка президент сайлимида җумһурийәтчиләр билән демократлар ортақ диққәт қилидиған мәсилигә айланған. Алдинқи һәптә америкадики демократлар партийәси намзати җов байдинниң баянатчиси хитайниң уйғурларға қаратқан җинайитини "ирқий қирғинчилиқ" дәп атиған вә җов байдинниң буниңға қәтий қарши туридиғанлиқини билдүргән һәмдә трамп һөкүмитиниң уйғурлар мәсилисигә йетәрлик көңүл бөлмигәнликини тәнқидлигәниди.

Хәвәрдә билдүрүлүшичә, америка президенти доналд трамп гәрчә хитайни корона вируси апитини пүтүн дуняға ямритивәтти дәп әйиблигән һәмдә у вирусни "хитай вируси" дәп атиған болсиму хитай билән сода келишими түзүштин ваз кәчмигән, әмма кичиккинә сода келишимидин кейин америка-хитай мунасивити йәнә яманлашқан. Җов байдин бу пурсәттә көпрәк қоллашқа еришкән.

Хәвәрдә йәнә хитайниң корона вируси мәзгилидиму уйғурларға йүргүзүватқан зулум вә бастурушни тохтатмиғанлиқи, чәтәлдики уйғурлар вә башқа мусулман тәшкилатлириниң б д т вә башқа хәлқара тәшкилатларға бу җинайәтни "ирқи қирғинчилиқ" дәп бекитип, у йәргә тәкшүрүш өмики әвәтишини тәләп қилғанлиқи тилға елинған. Андин хитайниң "җандост қериндиши" пакистанниң хитайниң бу җинайитигә сүкүт қиливатқанлиқи алаһидә әскәртилгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт