Хитай даирилириниң 2017-йили қаранчуқсиз "балилар вә яшанғанлар" ни бир тәрәп қилиш һәққидә һөҗҗәт чүшүргәнлики ашкарланди

Хитай даирилириниң 2017-йили уйғур елида чоң тутқун башлиниш билән тәң һөҗҗәт чүшүрүп, қаранчуқсиз қалған "яшанғанлар вә балилар" мәсилисини һәл қилишни тәләп қилғанлиқи ашкарланди. "ақсу гезити" ниң хәвәр қилишичә, бу һөҗҗәт 2017-йилиниң башлирида уйғур аптоном районлиқ һөкүмәт тәрипидин чүшүрилгән болуп, һөҗәттә қаранчуқсиз қалған "яшанғанлар вә йитим балилар" мәсилисини "қош мәркәзләштүруш" ни йолға қоюш арқилиқ һәл қилиш тәләп қилинған ‍икән.

2017-Йили башланған чоң тутқунда районда милйонлиған уйғур вә башқа түркий ‍аз санлиқ милләтләр тутқун қилинип, лагерларға қамалған. Бәзи аилиләрдин ‍әр-аял бирақла тутқун қилинип, он миңлиған нарисидә балилар вә пәрзәнтлириниң күтүшигә еһтияҗлиқ яшанғанлар қаранчуқсиз қалған. Даириләр қаранчуқсиз қалған балилар вә яшанғанларни "ятақлиқ мәктәпләр" намидики балилар лагерлириға вә аталмиш санаторийәләргә йиғивалған. Буниң билән нурғун уйғур аилиләр вәйран болған. Хәлқара мутәхәсиссләр хитайниң аилиләрни вәйран қилип, балиларни аилисидин айриветиш һәркитиниң "ирқий қирғинчилиқ" тәшкил қилидиғанлиқини илгири сүргән.

"ақсу гезити" ниң билдүришичә, нөвәттә ақсу вилайити уйғур аптоном районлуқ һөкүмәтниң "яшанғанларни мәркәзлик күтүш вә йитим балиларни мәркәзлик беқиш түзүмини омумйүзлик орнитишни йолға қоюш тоғрисидики пикири" намлиқ һөҗҗитини толуқ әмәлийләштүрүп, яшанғанларни күтүшни 100 пирсәнткә, йитим балиларни беқишни 100 пирсәнткә йәткүзгәнлики, "яшанғанлар вә балилар" мәсилисини "үнүмлүк һәл қилған" лиқи мәлум.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар