Уйғур диярида “қаттиқ бастуруш” ниң давам қилидиғанлиқи давраң қилинмақта

Мухбиримиз әзиз
2018-10-30
Share

Хитай һөкүмитиниң уйғурларни бастуруш һәрикити хәлқарада қаттиқ ғулғула қозғаватқанда хитай һөкүмити бу һәрикәтни “бошашмастин давам қилдуридиғанлиқи” ни билдүргән. “шинҗаң гезити” ниң 30-өктәбирдики санида берилгән бу һәқтики хәвәрдә бу һал алаһидә гәвдиләндүрүлгән.

Хәвәрдә ейтилишичә, 29-өктәбир ечилған “муқимлиқ хизмити вә қара күчләрни тазилаш йиғини” да террорлуққа қарши туруш вә муқимлиқ хизмитини қара күчләрни тазилаш хизмити билән бирләштүрүш тәләп қилинған. Шуниңдәк аталмиш “үч хил күчләр” башчилиқидики “қара күчләрни қәтий сүпүрүп ташлаш” күришини қәтий давамлаштуруш тәкитләнгән. Шуниңдәк “туғқан болуш” сияситини давамлаштуруш, динни хитайчилаштурушта чиң туруш тәләп қилинған.

Мәлум болушичә, “қара күчләр” дегәндә илгирики вақитларда қара җәмийәт түсини алған җинайәт гуруһи көздә тутулуп кәлгән икән. Әмди болса “үч хил күчләр” ниң бу категорийәгә мәнсуп қилинишини бир қисим анализчилар “уйғурлардики һәрқандақ миллий алаһидилик ‛террорлуқ вә әсәбийлик‚ дәп қариливатқанда бу шоарниң оттуриға қоюлуши уйғурларниң техиму еғир бастурушқа дуч келишидин бешарәт бериду” дейишмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт