Хәлқара кәчүрүм тәшкилати муддәтсиз қамаққа һөкүм қилинған қазақ язғучи нағиз муһәммәдниң қоюп берилишини тәләп қилди

Мухбиримиз әркин
2020-10-30
Share

Хәлқара кәчүрүм тәшкилати 29-өктәбир чақириқ елан қилип, хитай даирилири тәрипидин муддәтсиз қамақ җазасиға һөкүм қилинған қазақ язғучиси нағиз муһәммәдниң қоюп берилишини тәләп қилиш һәрикити башлиған. Хәлқара кәчүрүм тәшкилатиниң тәкитлишичә, нөвәттә нағиз муһәммәдниң әһвалидин җиддий әндишә қилинмақта икән. Мәзкур тәшкилат чақириқида кишиләрни уйғур аптоном районлуқ түрмә башқуруш идарисиниң башлиқи ваң җяңға хәт йезип, нағиз муһәммәдни қоюп беришни яки униң хәлқара өлчәмләргә асасән сотлинишини тәләп қилишқа чақирған.

Язғучи нағиз муһәммәд уйғур аптоном райони алтай вилайәтлик мәниви мәдәнийәт ишханисиниң хадими болуп, у 2018-йили 3-айда қазақистандики уруқ-туғқанлирини йоқлап қайтип кәлгәндин кейинла тутқун қилинған. Хәлқара кәчүрүм тәшкилатиниң 29-өктәбир ашкарилишичә, униң аилисидикиләр йеқинда нағиз муһәммәдниң бу йил 9-айда “бөлгүнчилик” билән әйиблинип, муддәтсиз қамаққа һөкүм қилинғанлиқидин хәвәр тапқан.

Мәзкур тәшкилатниң билдүрүшичә, у “әл-ағинилирини йиғип, қазақистан дөләт байримини тәбриклигәнлики, шинҗаңниң ‛қош тиллиқ маарип‚ сияситигә пикир билдүргәнлики, қазақларни қазақистанға көчүшкә риғбәтләндүргәнлики” үчүн кесилгән икән. Нағизниң аилисидикиләр хәлқара кәчүрүм тәшкилатиға бәргән учурида униң “җинайити” ни қобул қилишни рәт қилғанлиқи, сотта өзиниң қийин-қистаққа учриғанлиқини ейтқанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт