Қазақистан уйғур тәнһәрикәтчиси хәлқара чамбашчилиқ мусабиқисидә нәтиҗә қазанди

Мухбиримиз үмидвар
2017-10-01
Share

Уйғурлар қазақистандики аз нопуслуқ милләтләрниң бири болушиға қаримай, улар арисидин спортниң бокс, чамбашчилиқ вә башқа түрлири бойичә бир қисим дуня чемпийонлири, асия чемпийонлири шуниңдәк йәнә оттура асия вә русийә даирисидә өткүзүлгән мусабиқиләрниң чемпийонлири йетишип чиққандин сирт йәнә түрлүк хәлқаралиқ мусабиқиләрдә күмүш вә мис медал алғанларниң саниму мәлум салмақни игиләйду. Әнә шуларниң бири уйғур йигити руслан либироф йеқинда тәйвәндә өткүзүлгән 29-қетимлиқ хәлқаралиқ әркин чамбашчилиқ мусабиқисидә 2-орунни игилигән.

"уйғур авази" гезитиниң хәвәр қилишичә, қазақистанниң әркин чамбашчилиқ саһәсидә 6 қетимлиқ чемпийон болған руслан либироф тәйвәндә өткүзүлгән бу қетимлиқ мусабиқидә 70 килограмлиқлар түри бойичә күмүш медалға еришип, қазақистан вә уйғурлар үчүн шәрәп қучқан. 

Мәлум болушичә, руслан либирофниң мәшқавули, уйғур чамбашчилиқ маһири алик җәлилоф болуп, у илгири бир қанчә қетим асия вә мустәқил дөләтләр һәмдостлуқидики мусабиқиләрдә чемпийон болған вә 2-орунни игилигән тәнһәрикәтчи иди.

Хәвәрдин мәлум болушичә, қазақистан уйғурлири арисида йеқиндин буян чамбашчилиқ тәнһәрикити күчийишкә башлиған болуп, бу саһәдә онлиған кулублар қурулған. "яркәнт" дәп аталған кулубтила уйғур чамбашчилиқ мәшқавули йүсүпҗан вәлийевниң йетәкчиликидә 70 дин артуқ яш-өсмүр мәшиқ қилмақта икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт