10 Миң нәпәр кадир "икки йүзлимичи" ләргә қарши күрәш қилишқа қәсәм бәргән

Мухбиримиз қутлан
2017-06-05
Share

Алдинқи һәптә уйғур аптоном райониниң тәшвиқат саһәсидики 100 нәпәр юқири дәриҗилик әмәлдар "бирләшмә вәдинамә" елан қилип, "үч хил күч" кә қарши қәтий күрәш қилидиғанлиқини билдүргән иди.

Тәңритағ ториниң хәвәр қилишичә, бүгүн, йәни 5-июн күни уйғур аптоном районидики һәр дәриҗилик партийә комитетлириниң тәшкилат бөлүмлиридә хизмәт қилидиған 10 миңдин артуқ кадир "икки йүзлимичи" ләргә қарши күрәш елип баридиғанлиқи һәққидә коллектип қәсәм бәргән.

Қәсәмяд йиғинида сөзгә чиққан қәшқәр вилайәтлик партком тәшкилат бөлүминиң муавин башлиқи мухтәр кәнҗи мундақ дегән: "‹үч хил күч' ләрниң әгәшкүчилири билән гумаштилирини нәқ җайида байқаш вә уларни тепип чиқиш иши бизгә охшаш партийиниң тәшкилат саһәсидә хизмәт қилидиған кадирларниң баш тартип болмайдиған вәзиписи. Техиму муһими шуки, бу вәзипә тәшкилат саһәдики һәр бир кадирни синайдиған әң муһим синақтур."

Хәвәрдә дейилишичә, қәсәмяд йиғинида сөзгә чиққан һәрқайси вилайәтлик, областлиқ вә наһийәлик тәшкилат бөлүмлириниң мәсул кадирлири өз тәвәсидики "икки йүзлимичи" кадирларни қандақ тепип чиқиш вә уларға қандақ зәрбә бериш тоғрилиқ ипадә билдүргән.

Көзәткүчиләр, даириләрниң тәшкилат бөлүми саһәсидә хизмәт қилидиған 10 миңдин артуқ кадирни сәпәрвәр қилип, аталмиш "икки йүзлимичи" ләргә зәрбә бәрмәкчи болғанлиқи районда компартийә сепида хизмәт қиливатқан уйғур кадирларға қарита йәнә бир мәйдан тазилаш елип берилидиғанлиқидин сигнал бәрмәктә, дәп қаримақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт