Qirghizistan xitayning qirghizlargha wiza bérishni toxtatqanliqigha nota bergen, emma xitay pisent qilmighan

Qirghizistan hökümiti xitayning qirghiz puqralirigha wiza bérishni toxtatqanliqigha 2 qétim nota tapshurup, wizini tézrek eslige keltürüshni telep qilghan. Emma xitay terep qirghizistan hökümitining notisigha pisent qilmighan. Xitaygha ikki qétim nota tapshurghan.

Bu yil 30‏-awghust xitayning bishkektiki elchixanisi aptomobil bomba hujumigha uchrighandin kéyin, xitay qirghizistan puqralirigha wiza bérishni toxtatqan idi. Qirghizistan axbaratining bildürüshiche, xitayning wizini toxtitishi xitayda oquydighan qirghiz oqughuchilirining oqushigha tesir qilghan. Hazir oqush bashlinip ketken bolsimu, emma 400 dek qirghiz oqughuchi wizisi yoq oqushqa amalsiz qalghan.

Qirghizistan axbaratining bildürüshiche, qilishiche, qirghizistan tashqi ishlar ministirliqi xitaygha ikki qétim nota tapshurup, wiza mesilisini tézrek hel qilishni telep qilghan bolsimu, emma xitaydin qana'etlinerlik jawab alalmighan.
Xitayning bishkektiki elchixanisi qirghizistan tashqi ishlar ministirliqining notisigha bergen jawabida, “Bomba hujumi elchixana binasini ziyan'gha uchritip, wiza basidighan basma mashinisini buzup tashlidi. Hazir elchixana xizmitini toluq eslige keltürüp, adem kütüwélishqa shara'itimiz yar bermeydu” dep tekitligen.

Bu yil 30‏-awghust xitayning bishkektiki elchixanisi aptomobil bomba hujumigha uchrap, hujumchi ölgen, az dégende 3 adem yarilan'ghan. Qirghizistan hökümiti hujumni tajikistan bir Uyghurning élip barghanliqi, uni süriyediki sherqi türkistan qoralliq ghazatchi guruhlirining pilanlighanliqini élan qilghan. Özbék, qirghiz, Uyghur bolup bir qanche adem üstidin tutush buyruqi chiqarghan idi.