Уйғур ели 3 йил ичидә йәнә 3500 нәпәр “қош тил” оқутқучиси қобул қилидикән

Мухбиримиз ирадә
2015.02.27
Share on WhatsApp
Share on WhatsApp


Уйғур ели даирилири 3 йил ичидә йәнә 3500 нәпәр “қош тил” оқутқучиси қобул қилишни пиланлимақта. Тәңритағ торидин берилгән хәвәрдин қариғанда, бу оқутқучилар җәнубий уйғур елиниң йеза - базарлиридики “қош тил” йәсли вә тәйярлиқ синиплириға қобул қилинидикән.

Хитай һөкүмити уйғур елида қош тил маарипини омумлаштуруш хизмитини тезләткәндин буян һәдәп хитай өлкилиридин адәм қобул қилип, уларға түрлүк имтиязларни сунуш арқилиқ “қош тил” оқутқучиси болушқа тәклип қиливатқан иди. Бирақ бүгүн тәңритағ тори өз хәвиридә, һазир даириләрниң қош тил оқутқучилиққа тизимлитидиған адәм тапалмаслиқ, қобул қилип әкәлгән қош тил оқутқучилири хизмитини давам қилмаслиққа охшаш мәсилиләргә йолуқуватқанлиқини етирап қилған.

Хәвәрдә ейтилишичә, 2006 - йилидин 2014 - йилиғичә уйғур елиға 70миң нәпәр қош тил оқутқучиси қобул қилинған болсиму, йәнә 35 миң нәпәр қош тил оқутқучисиға еһтияҗ бар икән. Көзәткүчиләр хитай һөкүмитиниң буни уйғур елиға ичкиридин адәм йөткәйдиған йәнә бир пурсәткә айландуридиғанлиқини пәрәз қилмақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.