Даириләр уйғур елидики йезиларда "қош тиллиқ йәсли маарипи" ни йәниму кеңәйтидиғанлиқини билдүргән
27-Ноябир күни уйғур аптоном районлуқ даириләр маарип саһәсидики әмәлдарларни үрүмчигә топлап, йезиларда 3 йиллиқ "һәқсиз қош тиллиқ йәсли маарипи" ни йолға қоюш сәпәрвәрлик хизмәт йиғини ачқан.
Уйғур аптоном райониниң йоқири дәриҗилик әмәлдарлири қаташқан бу йиғинда, районниң иҗтимаий муқимлиқи вә узақ муддәтлик әминликини ишқа ашуруш үчүн йезиларда 3 йиллиқ "һәқсиз қош тиллиқ йәсли маарипи" ни йолға қоюшниң кечиктүргили болмайдиған әң һалқилиқ сиясий тәдбир икәнлики көрситилгән.
Шинхуа ториниң бу һәқтики хәвиридә асасий қатлам кадирлириниң бу мәсилини "әң зор сиясий вәзипә, әң қаттиқ мәсулийәт вә әң қаттиқ позитсийә" дәп тонуши лазимлиқи әскәртилгән.
Алдинқи күни хәлқ тори мәхсус хәвәр берип, қәшқәр вилайәтлик интизам тәкшүрүш комитетиниң вилайәт тәвәсидики 11 наһийә вә шәһәрдин 37 нәпәр йәрлик асасий қатлам кадирни җавабкарлиққа тартқанлиқини билдүргән иди. Хәвәрдә дейилишичә, җавабкарлиқи сүрүштә қилинип җазаланған 37 нәпәр йәрлик кадир "13-бәшйиллиқ пилан" мәзгилидә қәшқәр вилайитидә қурулмақчи болған "қош тиллиқ йәсли" қурулушиға актип позитсийә билдүрмигән кадирлар икән.
Көзәткүчиләр, даириләрниң нөвәттә уйғур йезилирида "қош тиллиқ йәсли маарипи" ни омумлаштуруш үчүн қаттиқ күчәватқанлиқини, буни уйғур елиниң муқимлиқи вә әминликини сақлап туруштики сиясий истратегийәсиниң бир қисми сүпитидә қараватқанлиқини илгири сүрмәктә.
- Адриян зенизниң чамасқа суали: "әгәр сениң ата-анаңму лагерға соланған болса, кариң болмамти?"
- 78 яшлиқ хәлчәм пазилниң 17 йиллиқ кесилгәнлики вә санҗи аяллар түрмисидә җаза муддитини өтәватқанлиқи дәлилләнди
- Бир аилидики 5 аялға еғир җаза кәскән корла хәлқ сот мәһкимиси һөкүмнамисиниң чинлиқи дәлилләнди
- Корладики ача-сиңил мәһкумлардин мәликәзат билән патигүлниң санҗи аяллар түрмисидә җаза муддити өтәватқанлиқи дәлилләнди
- Рәйһан әсәт: "иним әкбәрни вә башқа милйонлиған инсанларни набут қилғанлар җавабкарлиққа тартилидиған күнләр чоқум келиду"
