Хитайда H7N9 юқумлуқ зукам юқумида өрләш вәзийити көрүлди

Мухбиримиз меһрибан
2017.01.17
Share on WhatsApp
Share on WhatsApp

Хитай хәвәрлиридин мәлум болушичә, йеңи йилдин кейин хитайниң бир қисим өлкилиридә H7N9 юқумлуқ зукам юқумида өрләш вәзийити көрүлгән.

Хәлқ ториниң сәйшәнбә күнидики санида, шәндуң өлкилик сәһийә вә пиланлиқ туғут комитети елан қилған 2017-йиллиқ чаған һарписида юқумлуқ кесәлләрниң алдини елиш уқтуруши нәқил елинип, чаған һарписида тирик өй қушлири содиси ашқанлиқи вә ишләмчиләрниң юртиға қайтиши көпәйгәнлики үчүн, H7N9 юқумлуқ зукам кесәлликидин юқумлиниш хәвпи зорайғанлиқи, шуңа пуқраларниң юқумлиништин сақлиниши агаһландурулғанлиқи хәвәр қилинди.

Хитай һөкүмәт таратқулиридин шаңхәй күндилик гезитиниң 17-январдики инглизчә хәвиридә, H7N9 юқумлуқ зукам кесәлликидин юқумланғучилар сани тезликтә ешип бериватқанлиқи, йеңи йил киргәндин кейин 16-январғичә хунән өлкисидә 8 киши H7N9 вируси билән юқумланғанлиқи, 3 киши өлгәнлики, гуаңдуң өлкисидә 11 киши юқумлинип, улардин 2 бимар өлгәнлики тилға елинди.

Мәлум болушичә H7N9 типлиқ қуш зукими 2013-йили март ейида тунҗи қетим хитайда байқалған болуп, бу йил қиш кириши билән бу хил қуш зукими вируси билән юқумланғучиларниң хитайда қайтидин көпийиши, хитай билән қошна болған шәрқий җәнуби асия әллирини әндишигә салған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.