Мутәхәссләр: H79N типлиқ қуш зукам вируси бу йил қишта йәнә партлиш мумкин

Мухбиримиз җүмә
2013.10.26
Share on WhatsApp
Share on WhatsApp


H79N Типлиқ қуш зукам вирусиниң хитайда қайта байқилиши һәққидә тохталған мутәхәссисләр пәйшәнбә күни, мәзкур зукамниң бу йил қишта йәнә партлайдиғанлиқидин шәпә бәрди.

H79N Типлиқ қуш зукими бу йил мартта хитайда тунҗи байқалғандин буян хитайда хели җиддийлик пәйда қилған.

Гәрчә, бу зукам вәһимиси бу йил язда бир қәдәр пәсәйгән болсиму, мәзкур зукамдин юқумланған икки кишиниң бу айда йәнә байқилиши мунасивәтлик даириләрни әндишигә салған.

Өткән һәптә җеҗияң өлкисидә 35 яшлиқ бир хитай әрниң мәзкур зукам билән юқумланғанлиқи байқалған иди.

Униңдин башқа, бу айда бу вирус өй қушлирини тошуш содиси қилидиған 65 яшлиқ йәнә бир әрдә байқалған.

Хитай тәтқиқатчилар “явро көзәткүчиси” намлиқ тор журнилидики мақалилиридә, H7N9 типлиқ мәзкур вирус бу йил қиш хитайда йәнә кәң көләмдә партлайдиғанлиқини мисаллар билән шәрһләшкә тиришқан.

Уларниң қаришичә, H79N типлиқ зукам вируси юқуминиң яз пәслидә кемийиши, мәзкур зукам вируси салидиған тәһдитиниң пәсәйгәнликидин дерәк бәрмәйдикән.

Бу зукам бу йил хитай вә дуняниң башқа җайлирида 45 адәмниң җениға замин болған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.