Rabiye qadir: "Jaza lagérliridiki Uyghurlarning türmilerge yötkilishi bir xeterlik heriket"

Muxbirimiz sada
2018-10-10
Élxet
Pikir
Share
Print

Dunya Uyghur qurultiyining aliy rehbiri rabiye qadir xanim 6-öktebir, yeni shenbe küni özining tor bétide Uyghur diyaridiki tutqunlarning xitay ölkiliridiki türmilerge yötkilishige qarita endishisini bildürüp, bir parche maqale élan qilghan.

Mezkur maqalide rabiye qadir xanim jaza lagérlirining nöwettiki weziyitining künséri yamanlishiwatqanliqi, nurghun tutqunlarning türmilerge yolliniwatqanliqini bayan qilghan. U yene "Erkin asiya radi'osi" da élan qilin'ghan 2000 dek Uyghur tutqunning xéylongjiyang ölkisidiki eng wehshiy türme bolghan teyley türmisige mexpiy yötkep kétilgenliki heqqidiki xewernimu alahide tilgha alghan.

Rabiye qadir xanim maqaliside yene xitayning yer sharidiki eng küchlük dölet bolush üchün "Bir yol, bir belwagh" pilanini otturigha élip chiqqanliqini, emma Uyghurlarni bu pilandiki bir tosuq dep qarap kéliwatqanliqini alahide tilgha élip ötken. Shuning bilen birge yene xitay hökümitining Uyghurlargha bir "Wirus" ornida mu'amile qilip, uni yiltizidin yoq qiliwétishke urunuwatqanliqinimu eskertip ötken.

Rabiye qadir xanim maqalisining axirida xelq'ara teshkilatlarni tézdin heriket qollinishqa chaqirghan. U mundaq dep yazghan: "Men xelq'ara teshkilatlarni sherqiy türkistan diyarida musteqil tekshürüsh élip bérip, shu yerdiki jaza lagérlirini öz közi bilen körüshke, Uyghur tutqunlarning xitayning bashqa ölkilirige mexpiy halda yötkilishini tosushqa chaqiriq qilimen."

Toluq bet