Лондон университети пирофессор раһилә давутниң дәрһал қоюп берилиши тоғрилиқ баянат елан қилди
2023.09.28
Әнглийәдики даңлиқ университетларниң бири болған лондон университети хитай һөкүмити тәрипидин муддәтсиз қамақ җазасиға һөкүм қилинғанлиқи җәзмләшкән пирофессор раһилә давутни дәрһал қоюп бериш тоғрилиқ баянат елан қилған.
Мәзкур университет 27-сентәбир күни раһилә давут тоғрилиқ елан қилған мәхсус баянатида, “биз уйғур етнографийә мутәхәсссиси, пирофессор раһилә давутқа хитай даирилири тәрипидин муддәтсиз қамақ җазаси берилгәнликини аңлап қаттиқ қайғурдуқ” дәп язған.
Баянатта йәнә мунулар оттуриға қоюлған: “уйғур фолклори вә әнәниви мәдәнийити тоғрисидики тәтқиқатлири билән кәң тонулған пирофессор раһилә давут, илгири лондон университетиниң шәрқшунаслиқ вә африқа тәтқиқати институти (SOAS) билән бир қисим тәтқиқат түрлиридә һәмкарлашқан иди. Униң өмүрлүк қамаққа һөкүм қилинғанлиқ хәвири кишини ечиндуриду, биз униң дәрһал вә шәртсиз қоюп берилишни тәләп қилимиз.”
Мәзкур баянатта йәнә лондон университетниң илим-пән әркинликини қоғдаш пиринсипида чиң туридиғанлиқини тәкитлигән.
Америкадики “диялог фонди” алдинқи һәптә исмини ашкарилашни халимиған бир хитай һөкүмәт әмәлдаридин игилигән ишәнчлик мәлумат асасида, тутқундики уйғур фолклоршунас, шинҗаң университетиниң пирофессори, доктор раһилә давутниң өмүрлүк қамақ җазасиға һөкүм қилинғанлиқини дәлиллигән иди. Мәзкур хәвәр хәлқара илим саһәсидә хитайға болған күчлүк наразилиқ инкаслирини қозғимақта.
Көп көрүлгән хәвәрләр
RFA
- Уйғур мәҗбурий әмгәк мәсилиси җәнвәдә башланған б д т “сода вә кишилик һоқуқ мунбири” ниң муһим темиси болди
- “хитай мустәмликичилики вә уйғур райони” темисидики йиғинда оттуриға қоюлған пикирләр
- Пирагада чақирилған “хитай мустәмликичилики вә уйғур райони” темисидики хәлқаралиқ йиғин мувәппәқийәтлик давамлашти
- Аййүҗә түркәш таш ханим: “түркийәниң үрүмчидә консулхана ечиши шәрт”
- Җәнвәдики б д т мунбиридә: “уйғур тәшкилатлири вәкиллири уйғур мәҗбурий әмгикигә даир һәрқандақ соалға җаваб беришкә тәйяр! ”