رامىزان مەزگىلدە ئۇيغۇر ئوقۇغۇچىلار يېمەك يېيىشكە مەجبۇرلانغان

مۇخبىرىمىز مېھرىبان
2015-06-26
Share

خىتاي دائىرىلىرى ئۇيغۇر كادىرلارنى دىنغا ئىشەنمەسلىككە، ناماز، روزا قاتارلىق دىنىي ئىبادەتلەردىن يىراقلىشىشقا، ھەتتا ئائىلە تاۋابىئاتلىرىنىمۇ يىراقلاشتۇرۇشقا تىرىشىۋاتقانلىقى، ئۇلارنىڭ ئۇرۇق-تۇغقانلىرىدىن شۇنداق كىشىلەر بايقالسا ئۇيغۇر كادىرلارنى چېتىپ جازالاۋاتقانلىقى، رامىزان مەزگىلدە باشلانغۇچ-ئوتتۇرا مەكتەپ ئوقۇغۇچىلىرىنى مەكتەپلەردە يېمەك-ئىچمەك پائالىيەتلىرىگە تەشكىللەپ، ئۇلارنىڭ روزا تۇتقان-تۇتمىغانلىقىنى بىلىش ئۈچۈن ھەرىكەت ئېلىپ بېرىۋاتقانلىقى خەلقئارا مەتبۇئاتلاردا خەۋەر قىلىنىپ كەلمەكتە.

بۇ ھەپتە ئىجتىمائىي ئالاقە تورلىرىدا تارقالغان رەسىملىك خەۋەردىن مەلۇم بولۇشىچە، ئۈرۈمچىدىكى تېبابەت ئۇنىۋېرسىتېتنىڭ ئۇيغۇر ئوقۇغۇچىلىرىغا دەرس ئارىلىقىدىكى تەنەپپۇستا مېۋە-چېۋە، ئۇسسۇلۇق سۇ ۋە يېمەكلىك تارقىتىلىپ، ئۇلارنىڭ روزا تۇتقان-تۇتمىغانلىقى تەكشۈرۈلگەن.

مەلۇم بولۇشىچە، ئۇيغۇر ئېلىدىكى باشقا ئالىي مەكتەپلەردىمۇ ئوقۇغۇچىلارغا مەجبۇرى يېمەكلىك يېگۈزۈش پائالىيەتلىرى ئېلىپ بېرىلغان. روزا تۇتقانلىقى ئاشكارىلانغان ئوقۇغۇچىلار ئاگاھلاندۇرۇش ھەتتا مەكتەپتىن ھەيدىلىش جازالىرىغا ئۇچرىغان.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت