Xitay jasusluq organlirining RFA kartonisti rébél pépirgha tuzaq qurghanliqi ashkarilandi

Washin'gtondin muxbirimiz erkin teyyarlidi
2024.05.13

Xitay jasusluq organlirining yéqinda erkin asiya radiyosi (RFA) ning kartonisti, zhurnalist rébél pépir (Rebel Pepper) gha tuzaq qurup uni kambodzhagha aldap aparmaqchi hemde shu jayda tutqun qilmaqchi bolghanliqi ashkarilandi. Awstraliye ABC qanilining “Töt bulung” pirogrammisi élan qilghan bu heqtiki tekshürüsh pirogrammisida körsitilishiche,  kambodzhadiki bir shirketning xadimliri siyaqigha kiriwalghan xitay jasuslirining tutqun pilani rébél pépirning kambodzhagha bérishtin bash tartishi seweblik ishqa ashmighan.

 “Rébél pépir” (“Isyankar much”) texellusidiki wang liming yillardin buyan xitay re'isi shi jinpingni öz ichige alghan xitay emeldarliri we xitaydiki kishilik hoquq depsendichiliklirige a'it siyasi kartonlarni sizip dang chiqarghan. Shundaqla özgiche tesewwur iqtidarini jari qildurup özi tughulup chong bolghan Uyghur diyaridiki basturush, lagérlar, mejburiy emgek, siyasiy ménge yuyush heriketliri heqqidimu chongqur menige ige köpligen siyasiy kartonlarni sizip, Uyghurlarning échinishliq weziyitini eks ettürgenidi. Uning xitay weziyitini, jümlidin Uyghurlarning külpetlirini teswirleshtiki özgiche siyasiy kartonchiliq talanti uni xitay hökümitining “Düshmini” ge aylandurup, xitay jasusluq organlirining chégra halqighan basturushining nishani qilghanliqi qeyt qilinmaqta. Rébél pépirning “Töt bulung” pirogrammisida qeyt qilishiche, élxet arqiliq uninggha özini kambodzhadiki bir shirketning mes'ul xadimi,dep tonushturghan birsi uningdin melum heq bedilige shirketning élan-sen'iti üchün karton sizip bérishni ötün'gen.

 Rébél pépir bu shirketke karton sizip bérip bir mezgil ötkendin kéyin bu shexs uning bilen qayta alaqileshken. Bu qétim u rébél pépirgha kambodzhagha kélip shirkette yuqiri ma'ash bilen ishlesh teklipini sun'ghan. Rébél pépir kambodzhagha bérishni xalighan bolsimu, emma ayalining tosushi bilen bérishtin waz kechken. ABC Ning tekshürüshidin melum bolushiche, rébél pépir bilen alaqileshken kambodzhadiki shexs emeliyette xitay dölet bixeterlik ministirliqining jasusi iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.